മൂന്ന് പരിഭാഷാ കവിതകൾ (ബിന്ദു ടിജി)

വായനയ്ക്കും അഭിപ്രായത്തിനും മാഷ്ക്ക്നന്ദി

അലക്‌സാണ്ടർ പുഷ്കിന്റെ നിങ്ങൾ പരിഭാഷപ്പെടുത്തിയ 'ഒരു കവിയോട്' എന്ന കവിത വായിച്ചപ്പോൾ ഓർമ്മ വന്നത് വയലാറിന്റെ 'എഴുത്തുകാരോട് എന്ന കവിതയാണ് " ക്ലബ്ബിൽ ഞാൻ പോരുന്നില്ല നിങ്ങളോടൊപ്പം, ചായക്കപ്പിന്റെ വക്കെത്തെന്നും ചുണ്ടും വച്ചിരിക്കുവാൻ " ഇവിടെ കവിയെ ക്ളബ്ബിലേക്ക് വിളിക്കുന്നത് പ്രത്യക ലക്ഷ്യത്തോടെയാണ് . കവികളുടെ അല്ലെങ്കിൽ കലാകാരന്മാരുടെ ഉൾവിഭാഗത്തിന്റ അല്ലെങ്കിൽ പ്രബല വിഭാഗത്തിന്റെ ഭാഗമാക്കാനുള്ള ശ്രമത്തിന്റെ ഭാഗമായിട്ടാണ് . അമേരിക്കയിൽ നിങ്ങളെപ്പോലെ നല്ല കവിത എഴുതുന്നവരെ, നിങ്ങളുടെ കവിത നന്നായിരിക്കുന്നു എന്ന് പറഞ്ഞുകൊണ്ട് (എന്തുകൊണ്ട് നന്നായി എന്ന് വിശകലനം നടത്താൻ അവർക്ക് കഴിയില്ല ) അവരുടെ സംഘടനകളിലേക്ക് വിളിച്ചു കയറ്റുകയും പിന്നീട് , ഫലകം, പൊന്നാട തുടങ്ങിയ സമ്മാനങ്ങൾകൊണ്ട് മൂടുകയും, നിങ്ങളുടെ സ്വതന്ത്രമായി ചിന്തിക്കാനുള്ള കഴിവിനെ നിർവീര്യവുമാക്കുകയും ചെയ്യുന്നു . ഈ ചതിക്കുഴിയിൽ വീഴാതിരിക്കണമെങ്കിൽ " ഹേ കവി നീ ചുറ്റുമുള്ളവരുടെ പ്രശംസ ഗൗനിക്കരുത് " അതായാത് 'നിഷ്ക്കാമ കർമ്മ ' ഫലകങ്ങൾകൊണ്ട് മൂടാൻ , പൊന്നാടകൊണ്ട് നിങ്ങളെ അണിയിക്കാൻ പ്രബലവിഭാഗത്തിലെ 'വിഡ്ഢികളും' 'മരിച്ച ജനക്കൂട്ടവും' വരിവരിയായി നിൽക്കുമ്പോൾ "നീ ശക്തനായി, നീരസത്തോടെ ശാന്തനായിരിക്കണം " കാരണം നീയാണ് രാജാവ്. നിനക്ക് വേണ്ടി ഫലകത്തിന്റെയും പൊന്നാടയുടെയും തുലാഭാരം നടത്തി, നിന്റെ മനസ്സിന്റെ സിംഹാസനത്തിൽ ഇരിക്കുന്ന 'ഞാനെന്ന ഭാവത്തിന്റെ മൂർത്തിയെ ' വിലക്ക് വാങ്ങാൻ സംഘടനകളും പ്രബലഗ്രൂപ്പുകളും ഇടിച്ചു കയറുമ്പോൾ കവി , കവയിത്രി , കലാകാര നീ നീരസത്തോടെ , ഡോക്ർ .സുകുമാർ അഴിക്കോട് പത്മശ്രീ തട്ടി കളഞ്ഞതുപോലെ പൊന്നാടയും ഫലകവും തട്ടിക്കളഞ്ഞിട്ട്, ആനന്ദവർദ്ധനനെപ്പോലെ പറയുക "അപാരെ കാവ്യസംസാരേ കവിരേവ പ്രജാപതിഃ യഥാസൈമ രോചതേ വിശ്വം തഥേദം പരിവർത്തതേ " അനന്തമായ ഈ കാവ്യലോകത്തിൽ ഒരേയൊരു സൃഷ്ടാവേ (രജാവേ ) ഉള്ളു. -കവി, കവയിത്രി അവർ ആഗ്രഹിക്കുംപോലെ ഈ ലോകം ചുറ്റി തിരിയുന്നു . പക്ഷെ അങ്ങനെ പറയാൻ ഇന്ന് എഴുത്തുകാർക്ക് കഴിയുന്നില്ല എന്നതാണ് സത്യം . ഇന്ന് എഴുത്തുകാരും കവികളും കലാകാരന്മാരും പ്രശ്തിയുടെയും പ്രതാപത്തിന്റെയും പിന്നാലെ പായുമ്പോൾ, മനുഷ്യഗന്ധികളല്ലാത്ത കൃതികൾ സൃഷിക്കപ്പെടുന്നു. അവരോടൊപ്പപ്പം അവരുടെ കൃതികളും പുരസ്കാരങ്ങളും മണ്ണടിയുന്നു. പിന്നെ അവരെ ആരും സ്മരിക്കുന്നില്ല . നിങ്ങളുടെ തൂലികയിൽ നിന്ന് ഉതിർന്നു വീഴുന്ന വാക്കുകൾ പിടിച്ചെടുത്തു നിങ്ങളുടെ വിമർശകർ നിങ്ങൾക്കെതിരെ പ്രയോഗിക്കുന്നെങ്കിൽ കവികളെ എഴുത്തുകാരെ നിങ്ങൾ ലക്ഷ്യത്തിൽ എത്തികഴിഞ്ഞു . എഴുത്തുകാരോട് , കവികളോട് സംസാരിക്കുന്ന ശക്തമായ അലക്‌സാണ്ടർ പുഷ്കിന്റെ കവിത മലയാളത്തിലേക്ക് പരിഭാഷപ്പെടുത്തിയ കവയിത്രിക്ക് അഭിനന്ദനം. -വിദ്യാധരൻ