ദുര്‍ഗാദേവിയായി വേഷമിട്ട നുസ്രത്ത് ജഹാനു വധഭീഷണി
Published on 30 September, 2020
കൊല്‍ക്കത്ത : പരസ്യത്തിന്റെ ഭാഗമായി ദുര്‍ഗാദേവിയായി വേഷമിട്ടതിനു തൃണമൂല്‍ കോണ്‍ഗ്രസ് എംപിയും സിനിമാതാരവുമായ നുസ്രത്ത് ജഹാനു സമൂഹമാധ്യമങ്ങളില്‍ വധഭീഷണി. സെപ്റ്റംബര്‍ 16, 19 തീയതികളിലായി ഇന്‍സ്റ്റഗ്രാമില്‍ പോസ്റ്റ് ചെയ്ത ഫോട്ടോയുടെയും വിഡിയോയുടെയും പേരിലാണു ഭീഷണിയെന്നു നടിയുടെ ഓഫിസ് അറിയിച്ചു.
ഷൂട്ടിങ്ങിനായി താരം 27ന് ലണ്ടനിലേക്ക് പോയി. നടിയുടെ ഓഫിസാണു വധഭീഷണിയെപ്പറ്റി അധികൃതരെ അറിയിച്ചിരിക്കുന്നത്. ബംഗാള്‍ സര്‍ക്കാരുമായും വിദേശകാര്യ മന്ത്രാലയവുമായും സംസാരിച്ചിട്ടുണ്ടെന്നും അധിക സുരക്ഷയുടെ ഭാഗമായി ലണ്ടനിലെ ഇന്ത്യന്‍ എംബസി നടപടി സ്വീകരിച്ചതായും നടിയോട് അടുത്തവൃത്തങ്ങള്‍ ദേശീയ മാധ്യമത്തോടു പറഞ്ഞു.
‘മതനിരപേക്ഷവും സമഗ്രവുമായ കാഴ്ചപ്പാടിനാണു നുസ്രത്ത് ജഹാന്‍ നിലകൊണ്ടിട്ടുള്ളത്. ഈ ട്രോളുകളും ഭീഷണികളും അവരെ പിന്തിരിപ്പിക്കില്ല’– അടുത്ത സുഹൃത്ത് പറഞ്ഞു. പരസ്യ ഫോട്ടോഷൂട്ടിന്റെ വിഡിയോയും ഫോട്ടോയുമാണു നുസ്രത്ത് ജഹാന്‍ പങ്കുവച്ചത്. ദേവിയായി വസ്ത്രം ധരിച്ച്, ത്രിശൂലം കയ്യിലേന്തിയുള്ള ദൃശ്യങ്ങള്‍ പ്രത്യക്ഷപ്പെട്ടതോടെ ഇന്ത്യയില്‍നിന്നും ബംഗ്ലദേശില്‍നിന്നും ഭീഷണികള്‍ വന്നുതുടങ്ങിയെന്നാണു പരാതി.
ഷൂട്ടിങ്ങിനായി താരം 27ന് ലണ്ടനിലേക്ക് പോയി. നടിയുടെ ഓഫിസാണു വധഭീഷണിയെപ്പറ്റി അധികൃതരെ അറിയിച്ചിരിക്കുന്നത്. ബംഗാള്‍ സര്‍ക്കാരുമായും വിദേശകാര്യ മന്ത്രാലയവുമായും സംസാരിച്ചിട്ടുണ്ടെന്നും അധിക സുരക്ഷയുടെ ഭാഗമായി ലണ്ടനിലെ ഇന്ത്യന്‍ എംബസി നടപടി സ്വീകരിച്ചതായും നടിയോട് അടുത്തവൃത്തങ്ങള്‍ ദേശീയ മാധ്യമത്തോടു പറഞ്ഞു.
‘മതനിരപേക്ഷവും സമഗ്രവുമായ കാഴ്ചപ്പാടിനാണു നുസ്രത്ത് ജഹാന്‍ നിലകൊണ്ടിട്ടുള്ളത്. ഈ ട്രോളുകളും ഭീഷണികളും അവരെ പിന്തിരിപ്പിക്കില്ല’– അടുത്ത സുഹൃത്ത് പറഞ്ഞു. പരസ്യ ഫോട്ടോഷൂട്ടിന്റെ വിഡിയോയും ഫോട്ടോയുമാണു നുസ്രത്ത് ജഹാന്‍ പങ്കുവച്ചത്. ദേവിയായി വസ്ത്രം ധരിച്ച്, ത്രിശൂലം കയ്യിലേന്തിയുള്ള ദൃശ്യങ്ങള്‍ പ്രത്യക്ഷപ്പെട്ടതോടെ ഇന്ത്യയില്‍നിന്നും ബംഗ്ലദേശില്‍നിന്നും ഭീഷണികള്‍ വന്നുതുടങ്ങിയെന്നാണു പരാതി.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala