ന്യൂഡല്‍ഹി: കോവിഡ് രോഗമുക്തി നേടിയശേഷം രണ്ടാം തവണയും ആശുപത്രിയില്‍ പ്രവേശിപ്പിക്കപ്പെട്ട കേന്ദ്ര ആഭ്യന്തരമന്ത്രി അമിത് ഷാ ആശുപത്രിവിട്ടു. ന്യൂഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് (എയിംസ്) ല്‍ തിങ്കളാഴ്ച രാത്രി പ്രവേശിപ്പിക്കപ്പെട്ട അദ്ദേഹം പരിശോധനകള്‍ പൂര്‍ത്തിയാക്കി വ്യാഴാഴ്ച രാത്രിയാണ് ആശുപത്രിവിട്ടത്.

കോവിഡ് സ്ഥിരീകരിച്ചതിനെത്തുടര്‍ന്ന് ഓഗസ്റ്റ് രണ്ടിനാണ് അദ്ദേഹത്തെ ആദ്യം മേദാന്ത ഹോസ്പിറ്റലില്‍ പ്രവേശിപ്പിച്ചത്. രോഗമുക്തി നേടി അദ്ദേഹം ഓഗസ്റ്റ് 14 ന് ആശുപത്രിവിട്ടു. എന്നാല്‍ ഓഗസ്റ്റ് 17 ന് അദ്ദേഹത്തെ വീണ്ടും ആശുപത്രിയില്‍ പ്രവേശിപ്പിച്ചു. കോവിഡ് ഭേദമായതിനുശേഷമുള്ള ചികിത്സ പൂര്‍ത്തിയാക്കി ഓഗസ്റ്റ് 30 ന് ആശുപത്രിവിട്ടു. എന്നാല്‍ ഡോക്ടര്‍മാര്‍ സമ്പൂര്‍ണ മെഡിക്കല്‍ ചെക്കപ്പ് നിര്‍ദ്ദേശിച്ചതിനെത്തുടര്‍ന്ന് സെപ്റ്റംബര്‍ 12 ന് വീണ്ടും അദ്ദേഹത്തെ എയിംസ് ആശുപത്രിയിലെത്തിച്ചു. പരിശോധനകള്‍ പൂര്‍ത്തിയാക്കിയാണ് ഇന്ന് ആശുപത്രിവിട്ടത്.