തിരുവനന്തപുരം: മന്ത്രി കെ.ടി ജലീല് ഒരു തെറ്റും ചെയ്തിട്ടില്ലെന്ന് ആവര്ത്തിച്ച് മുഖ്യമന്ത്രി പിണറായി വിജയന്. ജലീല് എന്ത് തെറ്റാണ് ചെയ്തത് ഇപ്പോള് നടക്കുന്നത് ആരോപണമുന്നയിച്ച് സമാധാന അന്തരീക്ഷം തകര്ക്കാനുള്ള ശ്രമം.
കെ ടി ജലീലിനെതിരെ എന്ത് ആക്ഷേപമാണുള്ളത്. അദ്ദേഹത്തെ തേജോവധം ചെയ്യാന് ശ്രമമാണ് നടക്കുന്നത്. ജലീലിനെതിരെ വിരോധമുള്ളവര് കാണും. ഇവിടെ നടക്കുന്നത് നമ്മുടെ നാടിന് ചേരാത്ത കാര്യങ്ങള്. ലീഗിനും ബിജെപിക്കും ഒരുമിച്ച് നീങ്ങാന് ജലീലെന്ന കഥാപാത്രത്തെ ഉപയോഗിക്കുന്നുവെന്നും മുഖ്യമന്ത്രി.
ഇത് അപവാദം പ്രചരിപ്പിക്കലല്ലേ. ഇഡി ചോദ്യം ചെയ്തത് വലിയ കാര്യമല്ല. പരിശോധന നടത്തുന്നതില് എന്താണ് തെറ്റെന്നും മുഖ്യമന്ത്രി ചോദിക്കുന്നു. മുസ്ലിം ലീഗിന് ജലീലിനോടുള്ള പക വിട്ടുമാറുന്നില്ല. ബിജെപിക്കും മുസ്ലിം ലീഗിനും ഔരേരീതിയില് കാര്യങ്ങള് നീക്കാനുള്ള അന്തരീക്ഷം സൃഷ്ടിച്ചിരിക്കുന്നു. ഖുറാന് കൊടുക്കുന്നത് തെറ്റെന്ന് ബിജെപിക്ക് തോന്നാം എന്നാല് ലീഗിനും തോന്നണോയെന്ന് മുഖ്യമന്ത്രി ചോദിച്ചു.
മുന്പ് മന്ത്രി എന്ന നിലയില് ആരെയൊക്കെയാണ് ചോദ്യം ചെയ്തത്. ആരോപണം ഉണ്ടായാല് അന്വേഷണ സംഘം പരിശോധന നടത്തില്ലെ, അതില് എന്താണ് തെറ്റ്- മുഖ്യമന്ത്രി ആവര്ത്തിച്ച് ചോദിച്ചു.