തിരുവനന്തപുരം : സെക്രട്ടേറിയറ്റിലേക്ക് യൂത്ത് കോണ്ഗ്രസ് പ്രവര്ത്തകര് മന്ത്രി കെ.ടി. ജലീലിന്റെ രാജി ആവശ്യപ്പെട്ട് മാര്ച്ചില് സംഘര്ഷം. പോലീസ് പ്രവര്ത്തകരെ പിരിച്ചു വിടാന് ലാത്തിവീശി. നിരവധി തവണ കണ്ണീര് വാതകവും, ഗ്രനേഡും പ്രയോഗിച്ചെന്നും നിരവധി പ്രവര്ത്തകര്ക്ക് പപരിക്കേറ്റെന്നുമാണ് റിപ്പോര്ട്ട്.
എംഎല്എമാരായ ഷാഫി പറമ്ബില്, കെ.എസ് ശബരിനാഥന് എന്നിവരുടെ നേതൃത്വത്തിലായിരുന്നു പ്രതിഷേധ സമരം അരങ്ങേറിയത്. ഇരു നേതാക്കളെയും പോലീസ് അറസ്റ്റ് ചെയ്തു നീക്കി. യൂത്ത് കോണ്ഗ്രസിന്റെ സമരത്തിന് പിന്നാലെ യുവമോര്ച്ച പ്രവര്ത്തകര് സെക്രട്ടേറിയറ്റിലേക്ക് നടത്തിയ മാര്ച്ചിലും സംഘര്ഷമുണ്ടായി.