ഡല്ഹി: അതിര്ത്തി തര്ക്കം ചൈനയുമായുള്ള ഉഭയകക്ഷി ബന്ധത്തെ ബാധിക്കുമെന്ന് കേന്ദ്ര പ്രതിരോധമന്ത്രി രാജ്നാഥ് സിംഗ്. കിഴക്കന് ലഡാക്ക് അതിര്ത്തിയിലെ ഇന്ത്യ-ചൈന തര്ക്കം പരിഹരിക്കപ്പെട്ടിട്ടില്ല. സമാധാന ചര്ച്ച തുടരുമെന്നും രാജ്നാഥ് സിംഗ് ലോക്സഭയെ അറിയിച്ചു.
അതിര്ത്തിയില് ചൈന നിരന്തരം ധാരണകള് ലംഘിക്കുകയാണ്. ഇരുരാജ്യങ്ങള് തമ്മിലുള്ള നിലവിലെ അതിര്ത്തി ചൈന അംഗീകരിക്കുന്നില്ല. എന്നാല് 1960-ല് അംഗീകരിച്ച അതിര്ത്തിയിലെ ധാരണകള് ഇന്ത്യ കര്ശനമായി പാലിക്കുന്നുണ്ടെന്നും രാജ്നാഥ് സിംഗ് വ്യക്തമാക്കി.
സംഘര്ഷങ്ങളുടെ പശ്ചാത്തലത്തില് പ്രധാനമന്ത്രി നരേന്ദ്ര മോദി ലഡാക്ക് അതിര്ത്തി സന്ദര്ശിച്ചിരുന്നു. രാജ്യം സൈന്യത്തിനൊപ്പമാണുള്ളത്. എല്ലാ സൈനികര്ക്കും പ്രധാനമന്ത്രി രാജ്യത്തിന്റെ പിന്തുണ അറിയിച്ചതായും രാജ്നാഥ് സിംഗ് കൂട്ടിച്ചേര്ത്തു