വേൾഡ്‌മലയാളീ എന്നും പറഞ്ഞു ആർക്കും നടക്കാം എന്തും പറഞ്ഞു ആഘോഷിക്കാം ലീഡറുകൾ പറഞ്ഞു ഞെളിയാം. കാരണം വേൾഡിലെ എല്ലാമലയാളികളും വേൾഡ്‌മലയാളികൾ തന്നെ. ഇനി കാര്യത്തിലേക്കു വരാം. ഇവർക്ക് എത്ര ഗ്രൂപ്പുകളാണപ്പാ... ഒരുഗ്രൂപ് മറ്റേ ഗ്രൂപ്പിനെ അടിച്ചു പുറത്താക്കുന്നു, ചിലർ അടിച്ചു അകത്താക്കുന്നു . ഒന്നിലും ഒരു ജനാധിപത്യവും ഇല്ലാ. കുറെ പേർ ചുമ്മാ അങ്ങു തീരുമാനിക്കുന്നു. നീ ചെർമാൻ, ഞാൻ സെക്രട്ടറി, അവൻ പ്രേസിടെണ്ട്, അവൾ എംസി . പിന്നെ കുറെ പടം വച്ചുള്ള വാർത്തകളുടെ വച്ചുകാച്ചൽ, പരസ്‌പരം പൊക്കിപൊക്കി ചൊറിയൽ . മന്ത്രിമാരോടൊപ്പം, സിനിമക്കാരോടൊപ്പം ഫോട്ടോയെടുപ്പ് , നാട്ടിൽ ആ നന്മ ചെയ്തു, ഇതു ചെയ്തു എന്നുള്ള കള്ളം പറച്ചിൽ. ഇവരിൽ പലരും വേൾഡ് മലയാളിയുടെയോ മറ്റും ചരിത്രമോ, മുഖ മുദ്രയോ അറിയാത്ത ഇന്നലെ മുളച്ച വെറും തകരകളാണ്‌. ചിലർക്കു എല്ലായിടത്തും പോയി നേതാവാകണം. വേൾഡ്‌മലയാളിയിലും, സമാജത്തിലും, ഫൊക്കാന ഫോമാ കോൺഗ്രസ് പാർട്ടി, പള്ളിക്കമ്മിറ്റി, പ്രസ്ക്ലബ് , എല്ലാറ്റിലും ഉടൻ വലിയ നേതാവു മാത്രം മതി. അറിവും, കഴിവും പരിമിതമാണു താനും. ഇത്തരക്കാരെകൊണ്ട് ഈ വേൾഡ്‌മലയാളി ഗ്രൂപ്പുകൾ നിറഞ്ഞിരിക്കുകയാണ് . ഇതിൽ സ്ഥാപകർ ആയി പറയുന്നവരോ ചമയുന്നവരോ ഒന്നും ശരിയല്ല. അവർ അല്ലാ സ്ഥാപകർ, ആദ്യകാലത്തു വിയർപ്പുഒഴിക്കിയവർ. സ്ഥാപകരിൽ പലരും എളിമയോടെ നിശബ്ദർ ആയി കഴിയുന്നു. വേൾഡ് മലയാളിയുടെ ആരംഭം മുതലുള്ള ചരിത്രം കൺവെൻഷനുകൾ എല്ലാം പരിശോധിക്കുക. ജോണ് എബ്രഹാം ടീം ന്യൂജേഴ്‌സി, ന്യൂയോർക്കുകാരുടെ സഹകരണത്തോടെ ആരംഭിച്ചു. ആദ്യ കൺവെൻഷൻ ജോൺ എബ്രഹാം , ആൻഡ്രൂ പാപ്പച്ചൻ ടീം ഏതാണ്ടു 1500 ആളുകളെ പങ്കെടുപ്പിച്ചുകൊണ്ട് ന്യൂജേഴ്‌സിയിൽ നടത്തി. ജോൺ അബ്രഹാം അന്നു ടീനെക്ക് മേയർ കൂടെ ആയിരുന്നു. അദ്ദേഹം ഇപ്പോൾ ടെക്സസിൽ താമസിക്കുന്നു. പിന്നീടു ഗോപാലപിള്ള, ചാർളി അങ്ങാടിച്ചെറിയടക്കം കുറെ ടെക്സസുകാർ വന്നു. ഒന്നാം കോൺവെൻഷനു ശേഷം ഡോക്ടർ തോമസ് പാലക്കൽ- എ.സി.ജോർജ് ടീം ചാർജ്എടുത്തു. അവരുടെ നേതൃത്തിൽ ന്യൂയോർക്കിൽ അന്നത്തെ നിലയിൽ 3 ദിവസത്തെ ഗംഭീര കൺവെൻഷൻ നടത്തി. അന്നു ഏതാണ്ടു 2000 ആൾക്കാരാണ്‌ പങ്കെടുത്തത് . ഇപ്രകാരം ചരിത്രം പരിശോദിച്ചാൽ ഇതിൽ നിന്നൊക്കെ റിട്ടയർ ആയി നിശബ്ദരായി കഴിയുന്നവരെ കാണാം. ഈ ചരിത്രമൊന്നും പിന്നാലെ വന്നവർക്കു, പ്രതേകിച്ചു ഈ അധികാര വടംവലിക്കാർക്കു അറിയില്ല. ഏതായാലും വിട്ടുപിടി .. വിട്ടുകൊട. കേസിനു പോയാൽ എല്ലാ ഗ്രൂപ്പും തോറ്റുപോകും. കണ്ടില്ലേ ഹഡ്സൺ വാലി അസോസിയേഷൻ ഗതി. അക്കൂട്ടർ തന്നെ ഫൊക്കാനയിലും നുഴഞ്ഞു കയറി. അവിടെയും കേസായി കടിച്ചു തൂങ്ങൽ ആയി.

ഒരു അല്പം ഉളുപ്പ് വേണ്ടേ. ഇവിടെ ആനയെയും ആമയെയും തട്ടീട്ട് നടക്കാൻ വയ്യ. അതിന്റെ ഇടയിലിതും കൂടി വേണോ. ഇവരൊക്കെ കൂടി എന്ത് മലയാണ് ഇവിടെ മറിയ്ക്കുന്നത്. പണിയെടുത്ത് ജീവിക്കുന്ന ഒരുത്തനും ഇമ്മാതിരി സംഘടയിൽ നേതാവാകില്ല. സംശയമുണ്ടോ, ഏതെങ്കിലും സംഘടനയിൽ ഹാലിളകി നടക്കുന്നവരെ ഒന്നു നോക്കൂ. പാവം ഭാര്യമാർ എല്ലുമുറിയെ പണിയെടുത്ത് കൊണ്ടുവരുന്നത് മൃഷ്ടാന്നം വിഴുങ്ങി കഴിയുമ്പോൾ, എല്ലിന്റെയിടയിൽ ഒരു വല്ലാത്ത കുത്തലുണ്ടാവും. അതാണ് അമേരിക്കൻ മലയാളിയുടെ സംഘടനാ പ്രവർത്തനം.