നോര്ത്ത് കരലിനയിലെ കാരിയില് ഇന്ത്യാക്കാരനായ ശെല്വരാജു വെല്ലിംഗിരി, 55, വെടിയേറ്റു മരിച്ചു. ഓഗസ്റ്റ് 27-നു ആണു സംഭവം.
പാര്ക്കില് നടക്കാന് പോയപ്പ്പോള് വൈകിട്ടു നാലു മണിയോടെയാനൂ സംഭവം. പോലീസിനെ വിളിച്ച സ്ത്രീ പറഞ്ഞത് അഞ്ച് വെടിയൊച്ച കേട്ടുവെന്നാന്.
അക്രമിയെ ഇനിയും തിരിച്ചറിഞ്ഞിട്ടില്ല. എന്നാല് ഇത് ഒരു ഹെയ്റ്റ് ക്രൈം ആണെന്നു ഇപ്പോള് പോലീസ് കരുതുന്നില്ല.
സംസ്കാരം സെപ്റ്റംബര് 2-നു നടത്തും.
ഒരു ഇന്ത്യന് - അമേരിക്കന് വംശജന് കൊലചെയ്യപ്പെട്ടാല് അത് ആ സമൂഹത്തില്പ്പെട്ട ഓരോ വ്യക്തിയെയും ബാധിക്കും. ഭയാശങ്കകളിലേക്ക് ആളുകളെ തള്ളിയിടുന്ന ദാരുണ സംഭവങ്ങള് അടുത്തിടെയായി ഏറിവരികയാണ്.
കരോലൈനയിലെ തമിഴ് സംഘത്തിലെ സജീവ പ്രവര്ത്തകനും മുന് ബോര്ഡ് അംഗവുമായിരുന്നു കൊല്ലപ്പെട്ട വെല്ലിംഗിരി. ഭാര്യ കലൈ സെല്വിനിലവില്ബോര്ഡ് അംഗമാണ്.അറസ്ററ് ഇതുവരെ നടന്നിട്ടില്ലെന്നു തമിഴ് സംഘം നേതാവ് ശിവ മൂപ്പനാര് പറഞ്ഞു. ഇതൊരു വംശീയഹത്യയാണെന്ന് കരുതുന്നില്ലെന്ന് അദ്ദേഹം കൂട്ടിച്ചേര്ത്തു.
കൊല്ലപ്പെട്ടയാള് ഐ ടി മേഖലയിലാണ് ജോലി ചെയ്തിരുന്നത്. ഭാര്യയും മകളുമായി സ്വസ്ഥമായ കുടുംബജീവിതം നയിച്ചിരുന്ന അയാളോട് ആര്ക്കും വ്യക്തി വൈരാഗ്യം ഉള്ളതായി അറിവില്ല.കാരിയില്ഏതാനും വര്ഷങ്ങളായി ഐ ടി കമ്പനികള് ധാരാളമായി സ്ഥാപിതമായിട്ടുണ്ട്.ഈസ്റ്റ് കോസ്റ്റിന്റെ സിലിക്കണ് വാലി എന്നാണ് കാരി അറിയപ്പെടുന്നതുപോലും.
പോലീസിന്റെ ഭാഗത്തുനിന്ന് അടിയന്തിര നടപടിയുണ്ടാകണമെന്നും വെല്ലിംഗിരിക്കുണ്ടായ ദാരുണ അന്ത്യത്തില് കുടുംബത്തിന്റെ ദുഃഖത്തില് പങ്കുചേരുന്നെന്നും നോര്ത്ത് കരോലൈന സെനറ്റര് വൈലി നിക്കല് ഫേസ്ബുക്കില് കുറിച്ചു.