ന്യൂഡല്ഹി: മുന് രാഷ്ട്രപതി പ്രണബ് മുഖര്ജി(84) അന്തരിച്ചു. ഡല്ഹിയിലെ സൈനിക ആശുപത്രിയില് വച്ചായിരുന്നു അന്ത്യം.
തലച്ചോറില് രക്തം കട്ട പിടിച്ചതിനാല് ശസ്ത്രക്രിയയ്ക്കു വിധേയനായിരുന്ന അദ്ദേഹത്തെ വെന്റിലേറ്ററില് പ്രവേശിപ്പിച്ചിരുന്നു. തിങ്കളാഴ്ച ആശുപത്രിയിലെത്തിയ അദ്ദേഹം കോവിഡ് 19 പരിശോധനയില് പോസിറ്റീവ് ആയിരുന്നു.
2019-ല് പരമോന്നത ബഹുമതിയായ ഭാരതരത്നം നല്കി പ്രണബ് മുഖര്ജിയെ രാജ്യം ആദരിച്ചിരുന്നു.രാജ്യത്തിന് നല്കിയ സംഭാവനകള് മാനിച്ചായിരുന്നു ബഹുമതി നല്കിയത്.
പതിമ്മൂന്നാമത് രാഷ്ട്രപതിയായിരുന്ന പ്രണബ് 2012 മുതല് ’17 വരെയാണ് പദവി വഹിച്ചത്. നേരത്തേ, വിവിധ കോണ്ഗ്രസ് മന്ത്രിസഭകളില് ധനകാര്യം, വിദേശകാര്യം, പ്രതിരോധം തുടങ്ങിയ മന്ത്രാലയങ്ങളുടെ ചുമതല വഹിച്ചിരുന്നു.