കോട്ടയം: കോട്ടയം ജില്ലയില് 40 പേരുടെ കൂടി കോവിഡ് പരിശോധനാ ഫലം പോസിറ്റീവായി. ഇതില് 35 പേര്ക്കും സമ്പര്ക്കം മുഖേനയാണ് രോഗം ബാധിച്ചത്. രണ്ടു പേര് വിദേശത്തുനിന്നും മൂന്നു പേര് മറ്റു സംസ്ഥാനങ്ങളില് നിന്നും എത്തിയവരാണ്. സമ്പര്ക്കം മുഖേന രോഗം ബാധിച്ചവരില് 12 പേര് കോട്ടയം മുനിസിപ്പാലിറ്റിയിലും ഏഴുപേര് ഏറ്റുമാനൂര് മുനിസിപ്പാലിറ്റിയിലും ഉള്ളവരാണ്. കോട്ടയം മുനിസിപ്പാലിറ്റിയിലെ രോഗബാധിതരില് കോട്ടയം നഗരത്തിലെ വ്യാപാര സ്ഥാപനത്തിലെ ജീവനക്കാരായ അഞ്ചു പേരും താഴത്തങ്ങാടിയില് നേരത്തെ രോഗം സ്ഥിരീകരിച്ചയാളുടെ സമ്പര്ക്ക പട്ടികയിലുണ്ടായിരുന്ന വീട്ടമ്മയും മൂന്നു മക്കളും ഉള്പ്പെടുന്നു.
54 പേര് രോഗമുക്തരായി. നിലവില് 483 പേര് ചികിത്സയിലുണ്ട്. ഇതുവരെ ആകെ 1462 പേര്ക്ക് രോഗം ബാധിച്ചു.976 പേര് രോഗമുക്തരായി. ഇന്ന് 1256 സാമ്പിളുകളുടെ പരിശോധനാ ഫലമാണ് ലഭിച്ചത്. പുതിയതായി 1241 സാമ്പിളുകള് പരിശോധനയ്ക്ക് അയച്ചു. മറ്റു സംസ്ഥാനങ്ങളില്നിന്ന് എത്തിയ 132 പേരും വിദേശത്തുനിന്ന് വന്ന 82 പേരും രോഗം സ്ഥിരീകരിച്ചവരുടെ സമ്പര്ക്ക പട്ടികയിലുള്ള 95 പേരും ഉള്പ്പെടെ ആകെ 309 പേര്ക്ക് പുതിയതായി ക്വാറന്റയിന് നിര്ദേശിച്ചു. ആകെ 9043 പേരാണ് ജില്ലയില് നിരീക്ഷണത്തില് കഴിയുന്നത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല