വടക്കന്‍ ജില്ലകളില്‍ ശക്തമായ മഴ

കോഴിക്കോട്: വടക്കന്‍ ജില്ലകളില്‍ ശക്തമായ മഴ തുടരുന്നു. കഴിഞ്ഞ ദിവസം തുടങ്ങിയ മഴ പല മേഖലകളിലും വെള്ളപ്പൊക്കമായി. കണ്ണൂര്‍, വയനാട്, പാലക്കാട് ജില്ലകളിലാണ് മഴ വലിയ നാശമുണ്ടാക്കിയത്.

മഴയ്‌ക്കൊപ്പം ശക്തമായ കാറ്റും വീശിയതോടെ അട്ടപ്പാടി മേഖലയില്‍ വൈദ്യുതി ഇല്ല. മൂന്ന് ദിവസമായി ഈ മേഖലയില്‍ വൈദ്യുതി ബന്ധമില്ല. പലയിടത്തും വന്‍മരങ്ങള്‍ വൈദ്യുതി ലൈനിന് മുകളില്‍ വീണതാണ് പ്രതിസന്ധിക്ക് കാരണം.

കണ്ണൂരിര്‍ ജില്ലയിലെ വിവിധ പ്രദേശങ്ങളില്‍ മഴ കനത്ത നാശമുണ്ടാക്കി. മലയോരപ്രദേശങ്ങളില്‍ വ്യാപക കൃഷിനാശം സംഭവിച്ചിട്ടുണ്ട്. ജില്ലയിലെ ജലാശയങ്ങളെല്ലാം കരവിഞ്ഞൊഴുകുകയാണ്. ഇത് വെള്ളപ്പൊക്ക ഭീതി വര്‍ധിപ്പിച്ചിട്ടുണ്ട്