കര്‍ണാടകയില്‍ ആശങ്ക പരത്തി കൊറോണ രോഗം വ്യാപിക്കുന്നു.

ബെംഗളൂരു: കര്‍ണാടകയില്‍ ആശങ്ക പരത്തി കൊറോണ രോഗം വ്യാപിക്കുന്നു. മുഖ്യമന്ത്രി യെഡിയൂരപ്പക്ക് പിന്നാലെ പ്രതിപക്ഷ നേതാവ് സിദ്ധരാമയ്യക്കും രോഗം ബാധിച്ചു. ഇതോടെ ഇവരുമായി സമ്പര്‍ക്കം പുലര്‍ത്തിയവരുടെ പട്ടിക തയ്യാറാക്കി വരികയാണ്. യെഡിയൂരപ്പയുമായി സമ്പര്‍ക്കമുള്ളവരുടെ നീണ്ട പട്ടികയില്‍ പ്രമുഖര്‍ ഉള്‍പ്പെടും. ഇതില്‍ ആറ് പേര്‍ക്ക് കൂടി ഇപ്പോള്‍ രോഗം കണ്ടു. മുഖ്യമന്ത്രിയും മകളും പ്രതിപക്ഷ നേതാവുമെല്ലാം ഒരേ ആശുപത്രിയിലാണ് ചികില്‍സ തേടിയിരിക്കുന്നത്. പ്രമുഖര്‍ക്ക് രോഗം ബാധിക്കുകയും ഉന്നത ഉദ്യോഗസ്ഥര്‍ ക്വാറന്റൈനില്‍ പ്രവേശിക്കുകയും ചെയ്തതോടെ കര്‍ണാടകയിലെ കാര്യങ്ങള്‍ കൈവിടുമോ എന്ന ആശങ്ക പരന്നിട്ടുണ്ട്. യെഡിയൂരപ്പയുടെ സമ്പര്‍ക്ക പട്ടികയില്‍ പ്രമുഖരാണുള്ളത്.