Image

പാചക പായാരങ്ങൾ ( കവിത: രാജീവ് മാമ്പുള്ളി)

Published on 03 August, 2020
പാചക പായാരങ്ങൾ ( കവിത: രാജീവ് മാമ്പുള്ളി)
കനവിൻ കനലെണ്ണയിൽ കടുകുപൊട്ടിച്ച് മോഹങ്ങൾ
ഇഷ്ടങ്ങൾ  കുരുതി കഴിച്ച് പച്ചമുളകുകൾ
ചെറിയ സന്തോഷങ്ങളെ  അരിഞ്ഞ് വഴറ്റി വലിയ ഉള്ളി
സർഗ്ഗ ദാഹത്തിൻ്റെ  നുറുക്കരിഞ്ഞ് ഇഞ്ചി
ചെറു ദൗർബല്യങ്ങളുടെ മൃദുക്കൂട്ടിൽ
പൊരികടല
കാഴ്ചപ്പാടിൻ തെളിക്കാഴ്ചയരിഞ്ഞിട്ട് ക്യാരറ്റുകൾ
ആത്മദാഹ കിണറിലെ വെള്ളം പകർന്ന്
അലിവിൻ കല്ലുപ്പിട്ട് തിളപ്പിച്ച് 
വറുതി വേനലുലയിൽ വറുത്ത റവ തരിതരിയായി തൂവിയിളക്കി തിളയാറ്റി പാകപ്പെടുത്തും ഉപ്പുമാവുപോൽ ജീവിതം!
പാചക പായാരങ്ങൾ ( കവിത: രാജീവ് മാമ്പുള്ളി)
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക