പ്രണയ കഥയുമായി വൈഢൂര്യം
Published on 01 June, 2012
പ്രശസ്ത സംവിധായകന്‍ ശശീന്ദ്ര കെ. ശങ്കര്‍ സംവിധാനംചെയ്യുന്ന ചിത്രമാണ് വൈഢൂര്യം. കൈലേഷാണ് നായകന്‍. പഴയകാല നടി സുമിത്രയുടെ മകള്‍ നക്ഷത്രയാണ് നായിക.
വാഴുംകോവിലകത്തെ സുഭദ്ര തമ്പുരാട്ടിയുടെ സഹോദരന്‍ ശേഖരന് കമ്യൂണിസ്റ്റ് ആശയങ്ങളില്‍ ഉറച്ചുവിശ്വസിച്ചു പോന്നിരുന്നു. അതുകൊണ്ടുതന്നെ അയാള്‍ വിവാഹം കഴിച്ചത് അന്യജാതിയില്‍പ്പെട്ട ഒരു പെണ്ണിനെയായിരുന്നു. അതോടെ കോവിലകത്തുനിന്നും പുറത്തായ ശേഖരന് ഒരു മകളുണ്ട്. ഗായത്രി.
വാഴും കോവിലകത്തെ ഇളംതലമുറക്കാരനായ ശ്രീക്കുട്ടനും ഗായത്രിയും സ്‌നേഹത്തിലാണ്. രാജ്യസേവനമാണ് വലുതെന്നു വിശ്വസിക്കുന്ന ശ്രീക്കുട്ടന്‍ മിലിട്ടറിയില്‍ ചേരാനുള്ള തന്റെ ആഗ്രഹം അമ്മയോടു പറയുന്നു. മിലിട്ടറിയില്‍ ചേര്‍ന്ന ശ്രീക്കുട്ടന്‍ നീണ്ട നാളുകള്‍ക്കുശേഷം നാട്ടില്‍ തിരിച്ചെത്തിയപ്പോള്‍ ഗായത്രിയുമായി കൂടുതല്‍ അടുക്കുന്നു. എന്നാല്‍, തറവാടിന് പേരുദോഷം വരുത്തിയ ശേഖരന്റെ മകളെ ഉള്‍ക്കൊള്ളാന്‍ ഫ്യൂഡല്‍ തമ്പുരാക്കന്‍മാര്‍ തയാറായില്ല. മകന്റെ പ്രണയത്തെ മനസുകൊണ്ട് ഇഷ്ടപ്പെടുന്ന അമ്മയ്ക്ക് ഈ കാര്യത്തില്‍ നിശബ്ദയായി നില്‍ക്കാനേ കഴിഞ്ഞുള്ളു.
വാദകോലാഹലങ്ങള്‍ പെരുമ്പറ മുഴക്കുന്ന ഈ സമയത്ത് ദുരൂഹസാഹചര്യത്തില്‍ ശ്രീക്കുട്ടന്‍ അപ്രത്യക്ഷനാകുന്നു. ഇതിനിടയില്‍ പല പ്രചരണങ്ങളും ഉണ്ടായെങ്കിലും ശ്രീക്കട്ടന്‍ ജീവിച്ചിരിക്കുന്നുവെന്ന് ഗായത്രി വിശ്വസിക്കുന്നു. ശ്രീക്കുട്ടനെ അന്വേഷിച്ചുപോകുന്ന ഗായത്രി നേരിടുന്ന പീഡനങ്ങളും യാതനകളുമാണ് ഈ ചിത്രത്തിന്റെ കഥാഗതിയെ നിയന്ത്രിക്കുന്നത്.
അനുഗ്രഹ മൂവീസിന്റെ ബാനറില്‍ വില്‍സണ്‍ നന്മണ്ടയാണ് ചിത്രം നിര്‍മിക്കുന്നത്. സതീഷ് നാരായണന്‍ ആണ് രചന നിര്‍വഹിക്കുന്നത്. ഗിരീഷ് പുത്തഞ്ചേരി അവസാനമായി രചിച്ച ചന്ദന തെന്നല്‍ എന്നു തുടങ്ങുന്ന ഗാനം ഈ ചിത്രത്തിന്റെ പ്രത്യേകതയാണ്. വയലാര്‍ ശരത്ചന്ദ്രവര്‍മ, ബിച്ചു തിരുമല, ശശീന്ദ്ര കെ. ശങ്കര്‍ എന്നിവരാണ് ഗാനങ്ങള്‍ രചിച്ചിരിക്കുന്നത്.
യേശുദാസ്, ചിത്ര, സുജാത, മധു ബാലകൃഷ്ണന്‍, വിജയ് യേശുദാസ്, സിസിലി തുടങ്ങിയവരാണ് ഗാനങ്ങള്‍ ആലപിച്ചിരിക്കുന്നത്. വിദ്യാസാഗറന്റേതാണ് സംഗീതം. ജഗതി ശ്രീകുമാര്‍, വിജയരാഘവന്‍, സായ്കുമാര്‍, ബാബുരാജ്, സ്ഫടികം ജോര്‍ജ്, റിസബാവ, കോട്ടയം സോമരാജ്, മനുരാജ്, ശ്രീജിത് കൈവേലി, കെ.പി.എ.സി സജീവ്, നെടുമ്പ്രം ഗോപി, ചാലിപാല, മാര്‍ വിഷ്ണു കെ. ശശീന്ദ്ര, ബേബി ജെറീന, സുമിത്ര പ്രിയ, കുളപ്പുള്ളി ലീല തുടങ്ങിയവരും അഭിനയിക്കുന്നു. ഒറ്റപ്പാലം, മലമ്പുഴ, വയനാട് തുടങ്ങിയ പ്രദേശങ്ങളില്‍ ചിത്രീകരിച്ച ഈ ചിത്രം അനുഗ്രഹ മൂവീസ് ജൂണ്‍ 15ന് കേരളത്തില്‍ പ്രദര്‍ശനത്തിനെത്തിക്കുന്നു. -ടി. മോഹന്‍ദാസ്
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala