അക്ഷരക്കൊയ്ത്തിലെ പ്രണയക്കതിര് (ഓണ്‍ലൈന്‍ സാഹിത്യാവിഷ്‌കാരം- സുധീര്‍ പണിക്കവീട്ടില്‍)

സുധീര്‍ പണിക്കവീട്ടില്‍ - മലയാളി മാതാപിതാക്കളുടെ മകനായി ശ്രീലങ്കയില്‍ ജനിച്ചു. വിദ്യാഭ്യാസം നാട്ടില്‍. എം.ബി.എ. (പേഴ്‌സണല്‍ മാനേജ്മന്റ്) നേടിയശേഷം നാട്ടിലും, പിന്നീട് കുവൈറ്റിലും ജോലിചെയ്തു. പ്രവാസിയായിഅമേരിക്കയിലേക്ക് കുടിയേറി. (സുധീറിന്റെ ക്രുതികള്‍ കാണുക: https://emalayalee.com/repNses.php?writer=11
ബാല്യകാലം മുതല്‍ കഥകള്‍, ഗാനങ്ങള്‍, കവിത തുടങ്ങിയവയില്‍ അതീവ താല്‍പ്പര്യം. ഏഴാമത്തെ വയസ്സില്‍ കവിതപോലെ (പദ്യം എന്നായിരിക്കും ശരി) എന്തോ എഴുതി. പിന്നെ വീണ്ടും പത്തുവയസ്സ് മുതല്‍ കുത്തിക്കുറിക്കല്‍.

കലാലയജീവിതം ആരംഭിച്ചപ്പോള്‍ആംഗലഭാഷയിലും രചനകള്‍ നടത്തി.നാട്ടിലെയും അമേരിക്കയിലെയും പ്രമുഖ മലയാളപ്രസിദ്ധീകരണങ്ങളില്‍ എഴുതി. കവിതയിലാണ് കൂടുതല്‍ കഴിവ് എന്നറിയുമ്പോഴും മറ്റു സാഹിത്യരൂപങ്ങളും പരീക്ഷിച്ചു.

കഥകള്‍, നോവലെറ്റ്, ഫലിതങ്ങള്‍, നിരൂപണങ്ങള്‍, എന്നിവ രചിക്കുകയും ധാരാളം തര്‍ജ്ജമകള്‍ നിര്‍വഹിക്കയും ചെയ്തിട്ടുണ്ട്. അവയില്‍ പ്രധാനംമൊഴിമുത്തുകളാണ്. ന്യുയോര്‍ക്കില്‍ നിന്നും പ്രസിദ്ധീകരിച്ചിരുന്ന കൈരളിയില്‍ വിശ്വസാഹിത്യത്തില്‍ നിന്നുള്ള പ്രധാനകൃതികളുടെ പരിചയം എന്ന പേരില്‍ പരമ്പര എഴുതി. അമേരിക്കയില്‍ നിന്നും പ്രസിദ്ധീകരിക്കുന്ന ഓണ്‍ലൈന്‍ പ്രസിദ്ധീകരണങ്ങളില്‍ എഴുതുന്നു. അതില്‍ ഇ-മലയാളി ധാരാളം രചനകള്‍ പ്രസിദ്ധീകരിച്ച് പ്രോത്സാഹിപ്പിക്കുന്നു.

ഇതുവരെ നാലുപുസ്തകങ്ങള്‍ പ്രസിദ്ധീകരിച്ചു. അവ - പയേറിയയിലെ പനിനീര്‍പ്പൂക്കള്‍, (നിരൂപണം), അക്ഷരക്കൊയ്ത് (കവിതാസമാഹാരം), അമേരിക്കന്‍ മലയാള സാഹിത്യനിരൂപങ്ങള്‍ (നിരൂപണം), സുധീറിന്റെ കഥകള്‍ (കഥകള്‍), വിശേഷങ്ങള്‍ എന്ന ലേഖനസമാഹാരം അച്ചടിയില്‍. ഓരോ രചനയ്ക്കും എഴുത്തുകാരില്‍ നിന്നും വായനക്കാരില്‍ നിന്നും എണ്ണമറ്റ പ്രശംസകള്‍ കിട്ടിയെന്നല്ലാതെ സാഹിത്യപുരസ്‌കാരങ്ങള്‍ ഒന്നും കിട്ടിയിട്ടില്ല. ഇ-മെയില്‍ [email protected]