പൊതുജനത്തെ കബളിപ്പിക്കാൻ വ്യജ രാജ്യ സ്നേഹം കാണിച്ചു സ്വന്തം കുതന്ത്രങ്ങൾ നടപ്പിലാക്കാൻ ശ്രമിക്കുന്ന രാഷ്ട്രീയ തത്ത്വചിന്ത, പ്രസ്ഥാനം, അല്ലെങ്കിൽ ഭരണകൂടം ആണ് ഫാസിസം. അത് രാജ്യത്തെ; വ്യക്തിക്ക് മുകളിൽ ഉയർത്തിക്കാട്ടുന്നു, പക്ഷെ അത് വെറും കപടനാട്യം ആണ്. യഥാർത്ഥത്തിൽ, ഫാസ്സിസത്തില് ഭരണാധികാരി വ്യക്തി; രാജ്യത്തിനു മുകളിലാണ്. സ്വേച്ഛാധിപത്യ നേതാവിൻ്റെ നേതൃത്വത്തിലുള്ള കേന്ദ്രീകൃത സ്വേച്ഛാധിപത്യ സർക്കാർ ആണ് ഫാസിസം. ഫാസിസത്തെ എതിർക്കുന്ന സ്വതന്ത്ര ചിന്തകരെ അടിച്ചു അമർത്തുക എന്നത് ആണ് നയം. പ്രാമാണിത്ത ദേശീയവാദത്തിൽ അധിഷ്ഠിതമായ ഒരു തീവ്രരാഷ്ട്രീയവാദമാണ് ഫാസിസം . ഫാസിസ്റ്റുകൾ ഒരു രാജ്യത്തിന്റെ ഭരണസംവിധാനത്തെയും സാമ്പത്തികസംവിധാനത്തെയും ഉൾപ്പെടെ രാഷ്ട്രത്തെ മൊത്തത്തിൽ തങ്ങളുടെ വീക്ഷണത്തിനും മൂല്യങ്ങൾക്കും രീതികൾക്കും അനുസൃതമായി ഉടച്ചുവാർക്കാൻ ലക്ഷ്യമിടുന്നു.
പദത്തിന്റെ ഉദ്ഭവം:- [അവലബം -വിക്കിപീഡിയ]
ഫാസിസം എന്ന വാക്ക് ആംഗലേയ fascism എന്ന വാക്കിൽനിന്നുദ്ഭവിച്ചതാണ്. fascismo എന്ന വാക്കാകട്ടെ, ഇറ്റാലിയൻ ഭാഷയിൽ കൂട്ടുകെട്ടുക എന്നർത്ഥമുള്ള fascio എന്ന വാക്കിൽനിന്നും ലത്തീൻ ഭാഷയിലെ fasces എന്ന വാക്കിൽനിന്നുമാണ് ഉദ്ഭവിച്ചത്. ഒരു കോടാലിയുടെ പിടിയ്ക്കു ചുറ്റും കമ്പുകൾ കൂട്ടിക്കെട്ടിയ തരത്തിലുള്ള കെട്ടാണ് fasces. ഇത് പുരാതന റോമൻ മജിസ്ട്രേറ്റുമാരുടെ അധികാരചിഹ്നമായിരുന്നു. അവരുടെ ലിക്ടർമാർ എന്ന സേവകർ വഹിച്ചിരുന്ന ഈ ആയുധം മജിസ്ട്രേട്ടിന്റെ ഉത്തരവുപ്രകാരമുള്ള ശിക്ഷകൾ നടപ്പാക്കുന്നതിനും ഉപയോഗിച്ചിരുന്നു. ഇറ്റലിയിലെ സിൻഡിക്കേറ്റു രീതിയിലുള്ള് രാഷ്ട്രീയ സംഘടനകളായ ഫാസിയുമായും fascismo എന്ന പദം ബന്ധപ്പെട്ടിരിക്കുന്നു.
ഐകമത്യം മഹാബലം എന്നത് ആണ് ഇവരുടെ പ്രചാരണം. ഒരു വിറകുകൊള്ളി എളുപ്പം ഒടിക്കാം, എന്നാൽ ഒരുകെട്ട് വിറകുകൊള്ളി ഒടിക്കാൻ നന്നേ വിഷമമാണ്. പല ഫാസിസ്റ്റ് മുന്നേറ്റങ്ങളും, ഇതുപോലെ ഫാസിസം എന്ന വാക്കിന്റെ മൂലാർത്ഥത്തോട് യോജിക്കുന്ന ചിഹ്നങ്ങൾ സ്വീകരിച്ചു. ഉദാഹരണത്തിന് ഒരു നുകത്തിൽ അനേകം അസ്ത്രങ്ങൾ ചേർത്തുവച്ച ചിഹ്നമാണ് ഫാലെഞ്ച്.
വടക്കേ അമേരിക്കയിലെ ഫാസിസം കാനഡ, യുണൈറ്റഡ് സ്റ്റേറ്റ്സ്, മെക്സിക്കോ, മറ്റ് സ്ഥലങ്ങൾ എന്നിവയുമായി ബന്ധപ്പെട്ട ഒരു കൂട്ടം രാഷ്ട്രീയ പ്രസ്ഥാനങ്ങൾ ചേർന്നതാണ്. വടക്കേ അമേരിക്കയിലെ ഫാസിസ്റ്റ് പ്രസ്ഥാനങ്ങൾ; യൂറോപ്പിലെ തങ്ങളുടെ എതിരാളി രാജ്യങ്ങളിലെ ഫാസിസത്തിൽ നിന്ന് വ്യത്യസ്തമല്ല. വടക്കേ അമേരിക്കയിലെ ഫാസിസം; നാസികളുടെ മറ്റൊരു രൂപം മാത്രം. അമേരിക്കൻ രാഷ്ട്രീയ ബുദ്ധിജീവികൾ മുസ്സോളിനിയെ വളരെയധികം ശ്രദ്ധിച്ചിരുന്നു, പക്ഷേ കുറച്ചുപേർ മാത്രമാണ് അദ്ദേഹത്തെ പിന്തുണച്ചത്, ഇറ്റാലിയൻ അമേരിക്കൻ സമൂഹത്തിൽ മുസ്സോളിനിക്ക് ജനപിന്തുണയുണ്ടായിരുന്നു. റിപ്പബ്ലിക്കൻ സെനറ്റർ തോമസ് കുച്ചൽ കൺസർവേറ്റീവ് പ്രസ്ഥാനത്തെക്കുറിച്ച് ഇങ്ങനെ പറഞ്ഞു, “ജിഒപിയിലെ ഒരു മതഭ്രാന്തൻ -നവ ഫാസിസ്റ്റ് രാഷ്ട്രീയ ആരാധന, വിനാശകരമായ വിദ്വേഷത്തിന്റെയും അസുഖകരമായ ഭയത്തിന്റെയും വിചിത്രമായ ഒരു മിശ്രിതത്താൽ നയിക്കപ്പെടുന്നു, അവർ നമ്മുടെ പാർട്ടിയെ നിയന്ത്രിക്കാനോ നശിപ്പിക്കാനോ നിശ്ചയം ചെയ്യുന്നു. തത്ത്വചിന്തകനായ ജേസൺ സ്റ്റാൻലിയുടെ വീക്ഷണത്തിൽ, അമേരിക്കയിലെ വെളുത്ത മേധാവിത്വം അധികാരശ്രേണിയിലെ ഫാസിസ്റ്റ് രാഷ്ട്രീയത്തിന്റെ ഒരു ഉദാഹരണമാണ്, അതിൽ "വെള്ളക്കാർ അല്ലാത്തവരുടെ മേൽ ആധിപത്യം പുലർത്തുകയും നിയന്ത്രിക്കുകയും ചെയ്യുന്ന ഒരു ശാശ്വത ശ്രേണി അവർ ആവശ്യപ്പെടുകയും ചെയ്യുന്നു". അമേരിക്കൻ ഫാസിസം ഇന്ന് വളരെ സജീവം ആണ്. ട്രംപ്; ഭരണം ഏറ്റതോടെ ഫാസിസം വളരെ പുഷ്ടി പ്രാപിച്ചു.
(തുടരും)