യു എസ് സ്റ്റേറ്റ് ഡിപ്പാര്ട്ട്മെന്റില് 2013 സ്പ്രിംഗ് സ്റ്റുഡന്റ് ഇന്റേണ്ഷിപ്പിന് അപേക്ഷ ക്ഷണിക്കുന്നു
ജോസ് മാളേയ്ക്കല്Published on 31 May, 2012
ഫെഡറല് ഗവണ്മെന്റ് ഏജന്സിയായ യു എസ് ഡിപ്പാര്ട്ട്മെന്റ് ഓഫ് സ്റ്റേറ്റ്
(DOS) സമര്ത്ഥരായ കോളേജ് വിദ്യാര്ത്ഥികളില്നിന്നും സ്പ്രിംഗ് 2013
സ്റ്റുഡന്റ് ഇന്റേണ്ഷിപ്പിനു അപേക്ഷ ക്ഷണിച്ചിട്ടുണ്ട്. അമേരിക്കയിലും
വിദേശരാജ്യങ്ങളിലെ അമേരിക്കന് എമ്പസ്സികളിലും സമീപഭാവിയില് ഉണ്ടാകാന്
സാദ്ധ്യതയുള്ള നയതന്ത്രപ്രധാനമായ തസ്തികകളില് ജോലിചെയ്യുന്നതിനായിട്ടാണു
അമേരിക്കന് വിദേശകാര്യവകുപ്പ് പഠനത്തിലും, പാഠ്യേതരവിഷയങ്ങളിലും മികവു
പുലര്ത്തുന്ന കോളേജ് വിദ്യാര്ത്ഥികളെ അന്വേഷിക്കുന്നത്. യു എസ്
ഡിപ്പാര്ട്ട്മെന്റ് ഓഫ് സ്റ്റേറ്റിലെ വിവിധ ഓഫീസുകളില് ഉന്നത
ഉദ്യോഗസ്ഥരോടൊപ്പം ജോലിചെയ്ത് അവനവന്റെ കഴിവും സാമര്ത്ഥ്യവും
തെളിയിക്കുന്നതിനുള്ള നല്ല അവസരം. മാത്രമല്ല ചിട്ടയായ ഈ പരിശീലനത്തിലൂടെ
നേതൃത്വഗുണങ്ങള് വളര്ത്തിയെടുക്കുന്നതിനും, ഭാവിയില് വിദേശത്തോ, സ്വദേശത്തോ ഒരു
നല്ല തൊഴില് നേടിയെടുക്കുന്നതിനും സ്റ്റുഡന്റ് ഇന്റേണ്ഷിപ്പ്
സഹായിക്കും.
അപേക്ഷകനു വേണ്ട ഏറ്റവും കുറഞ്ഞയോഗ്യതകള്
1. യു എസ്
പൗരനായിരിക്കണം 2. ഒരു അംഗീകൃത കോളേജിലോ സര്വകലാശാലയിലോ ഫുള് ടൈം
സ്റ്റുഡന്റ് ആയി ഡിഗ്രി പ്രോഗ്രാമിനു രജിസ്റ്റര് ചെയ്തിരിക്കണം 3. മികച്ച
വിദ്യാഭ്യാസനിലവാരം പുലര്ത്തുന്നവരാകണം 4. ബാക്ക്ഗ്രൗണ്ട്് പരിശോധന
വിജയകരമായി പൂര്ത്തിയാക്കണം 5. സീക്രട്ട് ക്ലീയറന്സ് ലഭിക്കുന്നതിനും, അതു
നിലനിര്ത്തുന്നതിനുംസാധിക്കണം 6. ഡ്രഗ് ടെസ്റ്റ് വിജയകരമായി
പൂര്ത്തിയാക്കണം
പുറം ലോകവുമായി അമേരിക്കയെ ബന്ധപ്പെടുത്തുന്നതും,
അമേരിക്കയുടെ വിദേശനയം രൂപപ്പെടുത്തുന്നതും യു എസ് ഡിപ്പാര്ട്ട്മെന്റ് ഓഫ്
സ്റ്റേറ്റിലെ ഉദ്യോഗസ്ഥരാണു. അതില് സ്റ്റുഡന്റ് ഇന്റേണ്സും ഉള്പ്പെടും.
ബിസിനസ്, പബ്ലിക് അഡ്മിനിസ്റ്റ്രേഷന്, സോഷ്യല് വര്ക്ക്, ഇക്കണോമിക്സ്,
ഇന്ഫര്മേഷന് മാനേജ്മെന്റ്, ജേര്ണലിസം, ബയോളജിക്കല് സയന്സ്, ഫിസിക്കല്
ആന്റ് എന്ജിനീയറിംഗ് സയന്സസ് തുടങ്ങിയ വിഷയങ്ങളും, വിദേശകാര്യവുമായി
ബന്ധപ്പെട്ട മറ്റു വിഷയങ്ങളും ഐശ്ചികമായി തെരഞ്ഞെടുത്തു പഠിക്കുന്നവര്ക്കാണു
മുന്ഗണന. ഓരോരുത്തര്ക്കും ലഭിക്കുന്ന തസ്തികയും, ജോലിചെയ്യുന്ന ഓഫീസുമനുസരിച്ച്
ജോലിയില് വ്യത്യാസമുണ്ടാകും.
സ്റ്റുഡന്റ് ഇന്റേണ്ഷിപ്പിന്റെ കാലാവധി
ഏറ്റവും ചുരുങ്ങിയത് 10 ആഴ്ച്ചയാണു. 2013 സ്പ്രിംഗ് ബാച്ചില് ചേരണമെങ്കില്
2012 ജൂലൈ 2 നു മുമ്പു അപേക്ഷ സമര്പ്പിച്ചിരിക്കണം. സാധാരണ ഇത് ഒരു ഫുള്ടൈം
പ്രോഗ്രാം ആണ്. നിയമനം ശമ്പളത്തോടുകൂടിയോ അല്ലാതെയോ ആകാം. അപേക്ഷകന്റെ
വിദ്യാഭ്യാസയോഗ്യത, പ്രവൃത്തിപരിചയം, ഫണ്ടിന്റെ ലഭ്യത എന്നിവയെ അടിസ്ഥാനമാക്കി നാലു
മുതല് ഏഴുവരെയുള്ള ഏതെങ്കിലും ജി എസ് സ്കെയിലില് നിയമിക്കാം. നിയമനം 90
ദിവസത്തിനുമുകളിലാണെങ്കില് രണ്ടാഴ്ച്ചയിലെ ഒരു പേ പീരിയഡില് നാലുമണിക്കൂര് വീതം
ആനുവല് ലീവും, സിക്ക് ലീവും ലഭിക്കും. കൂടാതെ ശമ്പളത്തോടുകൂടിയുള്ള ഫെഡറല്
അവധിദിനങ്ങളും, സോഷ്യല് സെക}രിറ്റി കോണ്ട്രിബ്യൂഷനും കിട്ടും ഓണ്ലൈനില് മാത്രമേ
അപേക്ഷ
സ്വീകരിക്കുകയുള്ളു.
http://careers.state.gov/students/programs.html#SIP
എന്ന വെബ്സൈറ്റില് പോയി gateway to state എന്ന ബട്ടണില് ക്ലിക്കു ചെയ്ത്
അപേക്ഷ പൂരിപ്പിക്കുക. ഓണ്ലൈനിലൂടെ അപേക്ഷിക്കുന്നതുകൊണ്ട് അപേക്ഷകരുടെ യോഗ്യത
പരിശോധിക്കുന്നതിനും, അയോഗ്യരായവരെ സ്ക്രീന് ചെയ്യുന്നതിനും സാധിക്കും.
വിശദവിവരങ്ങള് മുകളില് പറഞ്ഞ വെബ്സൈറ്റില് നിന്നോ, സ്റ്റുഡന്റ് പ്രോഗ്രാം
ഓഫീസിലെ 202 261 8888 എന്ന നമ്പരില് നിന്നോ അറിയാം.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല