സംഘടനകളുടെ അതിര്‍ത്തി വരമ്പുകള്‍ ഭേദിച്ചു   കാനഡയിലെയും അമേരിക്കയിലെയും  മലയാളികളുമായി ബഹുമാനപ്പെട്ട കേരള ഗവർണ്ണർ ശ്രീ ആരിഫ് മുഹമ്മദ്  ഖാൻ സംവദിക്കുന്നു.പ്രസ്തുത മീറ്റിങ്ങില്‍  പ്രവാസി മലയാളികളുടെ ആത്മാഭിമാനമായ കനേഡിയൻ നെഹ്‌റു ട്രോഫി വള്ളംകളിയുടെ ഈ വര്‍ഷത്തെ ചടങ്ങുകള്‍ ബഹുമാനപ്പെട്ട ഗവര്‍ണ്ണര്‍ ഉദ്ഘാടനം ചെയ്യുന്നു. കാനഡായിലെയും  യു എസ് എ യിലെയും പ്രമുഖ രാഷ്ട്രീയ ,സാംസ്കാരിക,സമുദായിക, സംഘടനാ നേതാക്കള്‍ യോഗത്തില്‍ സംബന്ധിക്കുന്നു. 

പ്രമുഖ പ്രവാസി നേതാക്കളായ   ശ്രീ കുര്യന്‍ പ്രക്കാനം (കാനഡ) ശ്രീ പോള്‍ കറുകപ്പള്ളി (യു എസ് എ) യുമാണ് ഈ മലയാളി ഓണ്‍ലൈന്‍ മഹാ സമ്മേളനത്തിന്റെ പ്രധാന സംഘാടകര്‍.

ഇരു രാജ്യങ്ങളിലും ഉള്ള കോര്‍ഡിനേഷന്‍ കമ്മറ്റികള്‍ ഈ പരിപാടിയുടെ വിജയത്തിനായി പ്രവര്‍ത്തനം ഉടന്‍ ആരംഭിക്കുമെന്ന് ഇവര്‍ സംയുക്ത പ്രസ്താവനയില്‍ അറിയിച്ചു