സന മൊയ്തൂട്ടി മലയാള സിനിമയില് പാടുന്നു എന്ന വാര്ത്ത നേരത്തെ വന്നിരുന്നു. ആനന്ദക്കല്യാണം എന്ന ചിത്രത്തിന് വേണ്ടി സന പാടിയ ആ ഗാനം ഇപ്പോള് പുറത്തെത്തിയിരിക്കുകയാണ്. കെ. എസ് ഹരിശങ്കറും സനയും ചേര്ന്നാണ് 'ആതിര രാവില്' എന്ന ഈ ഗാനം ആലപിച്ചിരിക്കുന്നത്.
നിഷാന്ത് കോടമനയുടെ വരികള്ക്ക് രാജേഷ്ബാബു കെ സംഗീതം നല്കിയിരിക്കുന്നു. സീബ്ര മീഡിയയുടെ ബാനറില് പി സി സുധീര് രചനയും സംവിധാനവും നിര്വഹിക്കുന്ന പുതിയ ചിത്രമാണ് ആനന്ദക്കല്യാണം.
അഷ്കര് സൗദാനും പുതുമുഖ നടി അര്ച്ചനയുമാണ് ചിത്രത്തില് നായികാനായകന്മാരാകുന്നത്.