ബ്ലാക്ക് ലൈവ്സ് മാറ്റർ ടീഷർട്ട് ധരിച്ച കുട്ടിയെ ഡേ കെയറിൽ നിന്നു പുറത്താക്കി
പി.പി.ചെറിയാൻ Published on 04 July, 2020
അർക്കൻസാസ് ∙ ആറു വയസ്സുള്ള ലിറ്റിൽ ജേർണി ബ്രോക്ക്മാൻ ഡേ കെയറിൽ എത്തിയത് മനോഹരമായ ടീഷർട്ട് ധരിച്ചിട്ടായിരുന്നു. പക്ഷേ ടീ ഷർട്ടിൽ ബ്ലാക്ക് ലൈവ്സ് മാറ്റർ എന്ന് എഴുതിയിരുന്നത് ഹിസ് കിഡ്സ് ലേണിങ് സെന്റർ അധികൃതർക്ക് രസിച്ചില്ല. സ്കൂളിൽ ഇരിക്കുന്നത് അനുവദിക്കാതെ വീട്ടിലേക്കു പറഞ്ഞയച്ചു.
കുട്ടിയുടെ അഭിമാനത്തിന് ക്ഷതം ഏൽപിച്ചുവെന്നും കുട്ടി വളരെ ദുഃഖിതയാണെന്നും മാതാവ് ഡെവൽ ബ്രോക്ക്മാൻ പറഞ്ഞു. കുട്ടി ധരിച്ചിരുന്ന ടീ ഷർട്ടിൽ സത്യമാണ് എഴുതിയിരുന്നതെന്നും അതിൽ യാതൊരു തെറ്റുമില്ലായിരുന്നുവെന്നുമാണ് മാതാവ് ഈ സംഭവത്തെക്കുറിച്ച് പ്രതികരിച്ചത്.
കുട്ടിയുടെ അഭിമാനത്തിന് ക്ഷതം ഏൽപിച്ചുവെന്നും കുട്ടി വളരെ ദുഃഖിതയാണെന്നും മാതാവ് ഡെവൽ ബ്രോക്ക്മാൻ പറഞ്ഞു. കുട്ടി ധരിച്ചിരുന്ന ടീ ഷർട്ടിൽ സത്യമാണ് എഴുതിയിരുന്നതെന്നും അതിൽ യാതൊരു തെറ്റുമില്ലായിരുന്നുവെന്നുമാണ് മാതാവ് ഈ സംഭവത്തെക്കുറിച്ച് പ്രതികരിച്ചത്.
ചെറിയ കുട്ടികളുടെ മനസ്സിൽ ജാതി സ്പർധ ജനിപ്പിക്കുന്നതിനേ ഇത്തരം പ്രവർത്തനങ്ങൾ ഇടയാക്കുക എന്നാണ് സ്കൂൾ അധികൃതർ പറയുന്നത്.കുട്ടിയെ സ്കൂളിൽ പ്രവേശിപ്പിക്കാതിരുന്നതിനെ തുടർന്ന് സഹപാഠികളെ കാണാത്തതിന് കുട്ടി നിലവിളിച്ചുവെന്നും കുട്ടിയെ ആശ്വസിപ്പിക്കാൻ വളരെ ബുദ്ധിമുട്ടിയെന്നും മാതാവ് പറഞ്ഞു.
എന്നൽ സംഭവത്തെക്കുറിച്ചു പ്രതികരിക്കുവാൻ സ്കൂൾ ഡയറക്ടർ പട്രീഷ ബൗൺ വിസമ്മതിച്ചു. ഡെ കെയർ മാതാപിതാക്കളുടെ രാഷ്ട്രീയ താൽപര്യങ്ങൾ പ്രകടിപ്പിക്കുന്നതിനുള്ള സ്ഥലമല്ല എന്നു ഡയറക്ടർ എഴുതി തയാറാക്കിയ പ്രസ്താവനയിൽ പറയുന്നു. സംഭവത്തെ കുറിച്ചുള്ള ചർച്ച ഇവിടെ സജീവമായിരിക്കുകയാണ്. 
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala