റവ. തോമസ് ജോര്ജ് ഷിക്കാഗോയില് ജൂണ് 2 മുതല് പ്രസംഗിക്കുന്നു
ജോയിച്ചന് പുതുക്കുളംPublished on 30 May, 2012
ഷിക്കാഗോ: ആത്മപകര്ച്ച എന്ന ആത്മീയ മുന്നേറ്റ പ്രവര്ത്തനത്തിന്റെ ഈവര്ഷത്തെ
ദൈവവചന പഠനവും ഉണര്വ് യോഗങ്ങളും 2012 ജൂണ് 2 മുതല് ജൂണ് 23 വരെ ഷിക്കാഗോയില്
വെച്ച് നടത്തും. ആത്മാവില് ജീവിക്കുന്നതിന്റെ പ്രാധാന്യം ലോകത്തില്
വര്ധിച്ചുവരുന്ന സാഹചര്യത്തില് `സ്കൂള് ഓഫ് ഹോളിസ്പിരിറ്റ് 2012' എന്ന
പേരില് നടത്തുന്ന യോഗങ്ങളില് `യേശുക്രിസ്തുവിന്റെ സമൃദ്ധിയായ ജീവന്
നിങ്ങളിലേക്ക്' എന്ന മുഖ്യചിന്താവിഷയം ആധാരമാക്കി ലോകപ്രശസ്ത സുവിശേഷ പ്രസംഗകനും
ഇന്ത്യയിലെ രണ്ട് ലക്ഷത്തിലധികം വിശ്വാസികളുള്ള സഭയുടെ അപ്പസ്തോലനുമായ റവ. തോമസ്
ജോര്ജ് (യു.പി) ക്ലാസുകള്ക്ക് നേതൃത്വം നല്കുന്നു.
ലോകത്തിന്റെ വിവിധ
ഭാഗങ്ങളില് നിന്ന് അഭിഷിക്തന്മാരായ ദൈവദാസന്മാര് ഈ യോഗത്തില്
പങ്കെടുക്കുമെന്ന് യോഗത്തിന്റെ ഭാരവാഹികള് പത്രസമ്മേളനത്തില് പറഞ്ഞു. രാവിലെ
10-നും വൈകിട്ട് 6 നും ആരംഭിക്കുന്ന യോഗത്തില് ആരാധന, മധ്യസ്ഥ പ്രാര്ത്ഥന,
വേദപഠനം, രോഗികള്ക്കായുള്ള പ്രത്യേക പ്രാര്ത്ഥന തുടങ്ങിയവ ഉണ്ടായിരിക്കും.
കൂടുതല് വിവരങ്ങള്ക്ക്: www.holyspiritimpartation.com എന്ന
വെബ്സൈറ്റിലോ 8478777208, 224 6370068, 847 833 1400, 423 400 5373 എന്നീ നമ്പരിലോ
ബന്ധപ്പെടുക.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല