ഹൂസ്റ്റണ്: ഫോര്ട്ട് ബെന്ഡ് കൗണ്ടി കോര്്ട്ട് 505 ലേക്ക് ഡെമോക്രാറ്റിക് പ്രൈമറിയില് റണ് ഓഫില് മത്സരിക്കുന്നസുരേന്ദ്രന് കെ. പട്ടേലിനെജയിപ്പിക്കേണ്ടത് മലയാളി സമൂഹത്തിന്റെ ഒരാവശ്യമായി മനസ്സിലാക്കി പാര്ട്ടി ഭേദമെന്യ എല്ലാവരും വോട്ടു ചെയ്യണമെന്ന് അഭ്യര്ത്ഥിക്കുന്നു.
ആര്ക്കും 50 ശതമാനം വോട്ടു ലഭിക്കാതിരുന്നതിനാല് ഏറ്റവും കൂടുതല് വോട്ടുകള് ലഭിച്ച രണ്ട് വ്യക്തികളില് ഒരാളെന്ന നിലയ്ക്ക് ജൂലൈ 14 ന് അദ്ദേഹം റണ് ഓഫ് ഇലക്ഷനെ നേരിടുകയാണ് .
മലയാളി സുഹൃത്തുക്കള് രണ്ടു പാര്ട്ടികളിലും ചേര്ന്ന് പ്രവര്ത്തിക്കുന്നവരുണ്ട്. തിരഞ്ഞെടുപ്പിന് വിജയിക്കണമെങ്കില് പാര്ട്ടി ടിക്കറ്റ് ലഭിക്കുക എന്നത് ആവശ്യമാണ്. റിപ്പബ്ലിക്കന് പാര്ട്ടിയില് നിന്ന് നമ്മുടെ സമൂഹത്തിലുള്ളവര്ക്ക് പാര്ട്ടി ടിക്കറ്റ് ലഭിക്കാന് സാധ്യത കുറവാണ്. ചുരുക്കമായി ടിക്കറ്റു കിട്ടിയ ചരിത്രമുണ്ട്. ടിക്കറ്റ് കിട്ടിയാലും അവരില് പലരും നമുക്ക് വോട്ട് ചെയ്യില്ല എന്നത് രഹസ്യവുമല്ല.
പ്രസിഡന്റ് ട്രംപിന്റെ ആരാധകരായ പലരും മലയാളി സമൂഹത്തിലുണ്ട്. ഏതു പാര്ട്ടിയിലും ചേര്ന്നു പ്രവര്ത്തിക്കാനുള്ള നമ്മുടെ മലയാളി സുഹൃത്തുക്കളുടെ സ്വാതന്ത്ര്യത്തെ ചോദ്യം ചെയ്യുന്നില്ല. എങ്കിലും പ്രസിഡന്റ് ട്രംപിന്റെ ഒരു ആരാധകനാണെന്ന് പറഞ്ഞ് ഈ സുഹൃത്തുക്കള് അദ്ദേഹത്തെ കാണാന് വൈറ്റ് ഹൗസില് ചെന്നാല് ഉണ്ടാകാവുന്ന അനുഭവം എന്തായിരിക്കുമെന്ന് ചിന്തിക്കണം. റിപ്പബ്ലിക്കന് പാര്ട്ടിയിലുള്ള എല്ലാവര്ക്കും ഈ മനോഭാവം ഉണ്ടായിരിക്കണമെന്നില്ല. റിപ്പബ്ലിക്കന് പാര്ട്ടിയുടെ ചില ആശയങ്ങളോട് അനുഭാവമുണ്ടെങ്കിലും നമ്മുടെ താല്പര്യങ്ങളെല്ലാം സംരക്ഷിക്കാന് കഴിയുന്ന എല്ലാം ഒത്തിണങ്ങിയ ഒരു പാര്ട്ടി ഇന്നില്ല.
ക്രൈസ്തവ മൂല്യങ്ങളെ ഉയര്ത്തിപ്പിടിക്കുന്നത് റിപ്പബ്ലിക്കന് പാര്ട്ടിയാണ് എന്നു ചിന്തിക്കുന്ന പല മലയാളി സുഹൃത്തുക്കളുമുണ്ട.് എന്നാല് ക്രിസ്തു ഉയര്ത്തിക്കാട്ടിയ മാനുഷിക മൂല്യങ്ങള് വെച്ച് താരതമ്യം ചെയ്താല് അതില് പലതും പ്രസിഡന്റ് ട്രംപില് കാണാനില്ല എന്നത് പലരും ശ്രദ്ധിച്ചു കാണും. അതില് ഏറ്റവും പ്രധാനമായ മനുഷ്യത്വം താരതമ്യേന ഡെമോക്രാറ്റിക് പാര്ട്ടിയിലാണ് കൂടുതലായി കാണുന്നതെന്ന് പലരും ശ്രദ്ധിച്ചിട്ടുള്ള കാര്യമാണ്.
എതിര് സ്ഥാനാര്ത്ഥിക്ക് സുരേന്ദ്രനേക്കാളും ഏഴായിരം വോട്ട് പ്രൈമറിയില് ലഭിച്ചതിനാല് അതിനെ മറികടക്കാന് മലയാളിസമൂഹം ഒറ്റക്കെട്ടായി പാര്ട്ടി വ്യത്യാസമെന്യ സൂരേന്ദ്രന് വോട്ട് ചെയ്യണമെന്ന് അഭ്യര്ത്ഥിക്കുന്നു.
ഏത് തെരഞ്ഞെടുപ്പും വിജയിക്കുന്നതിന് വളരെയധികം പണച്ചിലവുണ്ട്. മലയാളി സുഹൃത്തുക്കള് തങ്ങളുടെ കഴിവുപോലെ സാമ്പത്തികമായി ഈ ഉദ്യമത്തെ സഹായിച്ച് സഹകരിക്കണമെന്ന് അഭ്യര്ത്ഥിക്കുന്നു. മലയാളികള് ഒറ്റക്കെട്ടായി നിന്ന് വോട്ട് ചെയ്തതുകൊണ്ടാണ് കൗണ്ടി ജഡ്ജിയായി കെ.പി. ജോര്ജ്ജും, ജഡ്ജിയായി ജൂലി മാത്യുവും കഴിഞ്ഞ തിരഞ്ഞെടുപ്പില് വിജയിച്ചത്. എല്ലാവരുടേയും സഹായസഹകരണങ്ങള് അഭ്യര്ത്ഥിക്കുന്നു.
ഡൊണേഷനുള്ള ലിങ്ക് താഴെ കൊടുത്തിരിക്കുന്നു
Early voting June 29-July 10. Voting July 14