എച്ച് -1 ബി ഉള്പ്പെടെയുള്ള വര്ക്ക് വിസകള് താല്ക്കാലികമായി നിര്ത്തിവയ്ക്കുന്നതിനുള്ള ഉത്തരവില് നിരാശ പ്രകടിപ്പിച്ച് ഗൂഗിള് സിഇഒ സുന്ദര് പിച്ചൈ.
ഇന്നത്തെ പ്രഖ്യാപനത്തില് നിരാശയുണ്ട്. ഞങ്ങള് കുടിയേറ്റക്കാര്ക്കൊപ്പം നില്ക്കുകയും എല്ലാവര്ക്കും അവസരം വിപുലീകരിക്കുന്നതിനായി പ്രവര്ത്തിക്കുകയും ചെയ്യുമെന്ന് ട്വീറ്റില് പിച്ചൈ പറഞ്ഞു.
കുടിയേറ്റം അമേരിക്കയുടെ സാമ്ബത്തിക വിജയത്തിന് വളരെയധികം സംഭാവന നല്കിയിട്ടുണ്ട്. ഇതിലൂടെ അമേരിക്ക സാങ്കേതികവിദ്യയുടെ രംഗത്ത് ആഗോള നേതാവായി.
ഗൂഗിളിനെ ഇന്നത്തെ കമ്ബനിയാക്കിയതിനും സഹായിച്ചുവെന്ന് പിച്ചൈ ചൂണ്ടിക്കാട്ടി.
ട്രംപ് ഭരണകൂടത്തിന്റെ നീക്കത്തിനു പിന്നിലെ വംശീയ ചായ്വിലുള്ള രോഷവും സിവില്, മനുഷ്യാവകാശങ്ങള്ക്കായുള്ള ലീഡര്ഷിപ്പ് കോണ്ഫറന്സിന്റെ പ്രസിഡന്റും സിഇഒയുമായ വനിത ഗുപ്ത മറ്റൊരു പ്രസ്താവനയില് പ്രകടമാക്കി.
കോവിഡ്-19 നെക്കുറിച്ചുള്ള വിനാശകരമായ പ്രതികരണങ്ങള് ഉള്പ്പെടെ എണ്ണമറ്റ തന്റെ പരാജയങ്ങളില് നിന്ന് ശ്രദ്ധ തിരിച്ചുവിടാനാണ് ട്രംപിന്റെ ശ്രമമെന്നും അത് വിജയിക്കില്ലെന്നും വനിത ഗുപ്ത പറഞ്ഞു