യാത്രകൾ അതിരുകളില്ലാത്ത അതിജീവനത്തിൻ്റെ യാത്രകൾ ചെറുത്തു നിൽപ്പ് നിലനിൽപ്പിൻ്റെ അവസാന മൺ തരിയും കാൽക്കീഴിൽ നിന്നും ഒലിച്ചുപോകും വരെ യാത്ര ബന്ധങ്ങളും കടപ്പാടുകളും പാതിവഴിയിൽ ഉപേക്ഷിച്ച് പ്രത്യാശയുടെ കിരണവും തേടി ഇടതു തോളിലെ ഭാണ്ഡവും വലതുതോളിലെ ജീവിതഭാരവും പേറി പിൻ വിളിയില്ലാത്ത ഉഷ്ണ ഭൂവിലൂടെ കൊട്ടിയടച്ച അതിർത്തി രേഖകളിൽ കാരുണ്യത്തിനായി പിടയുന്ന കണ്ണീർ വറ്റിയ കണ്ണുകൾ ഓർമ്മകളിൽ താണ്ടിയ വഴികളില്ല ചേക്കേറിയ തുരുത്തുകളില്ല ബാക്കി വച്ച സ്വപ്നങ്ങളില്ല രാജ്യങ്ങളിൽ നിന്നും രാജ്യങ്ങളിലേക്ക് ഭാഷയും സംസ്കാരവും ആചാരങ്ങളും വിലങ്ങുകൾ തീർക്കാതെ എവിടെയും രേഖപ്പെടുത്താത്ത ജനനത്തിനും ആരും കണ്ണീരൊഴുക്കാത്ത മരണത്തിനും ഇടയിലൂടെ യാത്രകൾ അതിരുകളില്ലാത്ത അതിജീവനത്തിൻ്റെ യാത്രകൾ
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല