ലണ്ടനില്‍ ശസ്ത്രക്രിയയ്ക്ക് വിധേയനായ ശ്രീശാന്ത് ആശുപത്രി വിട്ടു
Published on 29 May, 2012
ലണ്ടന്‍: ലണ്ടനിലെ ഹാംഷയര്‍ ക്ലിനിക്കില്‍ ഇരുകാലുകളിലും ശസ്ത്രക്രിയയ്ക്ക് വിധേയനായ മലയാളി ക്രിക്കറ്റ് താരം ശ്രീശാന്ത് തിങ്കളാഴ്ച ആശുപത്രി വിട്ടു. ഇരുകാലുകളിലെയും തള്ളവിരലിനോടു ചേര്‍ന്ന അസ്ഥി പുറത്തേക്ക് തള്ളിവന്നതിനെത്തുടര്‍ന്നാണ് ശ്രീക്ക് ശസ്ത്രക്രിയ വേണ്ടിവന്നത്. മേയ് 22 നാണ് ശ്രീശാന്ത് ശസ്ത്രക്രിയയ്ക്ക് വിധേയനായത്.
വിരലുകളിലെ അസ്ഥിവളര്‍ച്ചയെത്തുടര്‍ന്ന് കടുത്ത വേദനയുമായാണ് ശ്രീശാന്ത് കുറച്ചുനാളായി കളിച്ചിരുന്നത്. കഴിഞ്ഞവര്‍ഷം ഇന്ത്യയുടെ ഇംഗ്ലണ്ട് പര്യടനത്തിലാണ് ശ്രീ ഒടുവില്‍ കളിച്ചത്. ഐ.പി.എല്ലില്‍ രാജസ്ഥാന്‍ റോയല്‍സിന്റെ താരമായ ശ്രീശാന്തിന് ഒരു മത്സരത്തില്‍പോലും കളിക്കാനായില്ല.
ആശുപത്രി വിട്ടെങ്കിലും ശ്രീക്ക് ആറാഴ്ചത്തെ വിശ്രമമാണ് ഡോക്ടര്‍മാര്‍ നിര്‍ദ്ദേശിച്ചിരിക്കുന്നത്. ബാംഗളൂരിലെ എംസിഎയിലെത്തിയശേഷം അവിടുത്തെ ഡോക്ടര്‍മാരുടെ മേല്‍നോട്ടത്തിലാകും വിശ്രമവും തുടര്‍ന്നുള്ള ചികിത്സയും.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala