പ്രണയം ,സനേഹം ,കരുണ തുടങ്ങിയ പല വാക്കുകൾക്കും അതിൻ്റെ ശരിയായ ഭാവനകളും അതിൽ ആരോപിക്കുന്ന അർത്ഥങ്ങളും ഗുണങ്ങളും എന്താണോ അത് ഇന്ന് പ്രാക്ടീസ് ചെയ്യുന്ന പ്രണയത്തിന് സ്നേഹത്തിന്, കരുണക്ക് അതിൻ്റെ യഥാർത്ഥ അർത്ഥത്തിലുള്ള നിർവചനത്തിന് വഴങ്ങുന്ന ഭാവതീവ്രമായ പൊരുളില്ല . സ്വാതന്ത്ര്യത്തെ മെരുക്കിയെടുത്ത് കൊണ്ടാണ് മനുഷ്യരും ദൈവങ്ങളും സ്നേഹിക്കുന്നതും പ്രണയിക്കുന്നതും കരുണ ചെയ്യുന്നതും .. കൊല്ലുക (kill ) ,ആക്രമിക്കുക ,വെറുക്കുക തുടങ്ങിയ വാക്കുകൾ കൂടിയsങ്ങിയ ഗ്രന്ഥങ്ങൾ വിശുദ്ധ ഗ്രന്ഥങ്ങളും , അതെഴുതിയവർ പ്രവാചകന്മാരും. സ്നേഹം, പ്രണയം ,സമാധാനം ,സന്തോഷം എന്നിവ പ്രതിപാദിക്കുന്ന ഗ്രന്ഥങ്ങളെ പൈങ്കിളി സാഹിത്യങ്ങളും ഇവരെല്ലാം വെറും പൈങ്കിളി സാഹിത്യകാരന്മാരും. കന്യകയല്ലാത്ത സ്ത്രീകളെ നിസ്വാർത്ഥമായി പ്രണയിക്കുന്നവൻ്റെ പേര് '"ജാരൻ" അതിൻ്റെ പേരിൽ മാത്രം അവൻ വിടനും വികൃതനുമായി താഴ്ത്തപ്പെടുകയാണ്. എന്നാൽ കാമ പൂർത്തീകരണം കഴിഞ്ഞ് കന്യകയെ ഉപേക്ഷിച്ചു പോകുന്നവൻ ഗന്ധർവ്വനും .... ആനയെ ക്രൂര പീഢനങ്ങൾക്ക് വിധേയമാക്കി ചങ്ങലയിൽ ബന്ധിച്ച് പൊരിവെയിലത്ത് നിർത്തി പീഡിപ്പിക്കുന്നതിൻ്റെയും, കൊല്ലുന്നതിൻ്റെയും പേര് _.ആന'പ്രേമം ' പുരുഷന്റെ പേശി ബലവും കോപവും പെണ്ണിൻ്റെ മുഖത്തും ശരീരത്തും അടിച്ചും തൊഴിച്ചും സ്നേഹിക്കുന്നതിൻ്റെയും അഭിനന്ദിക്കുന്നതിൻ്റെയും ,പട്ടിണിക്കിട്ടും പാമ്പിനെ കൊണ്ട് കടിപ്പിച്ചു കൊല്ലുന്നതിൻ്റെയും മുഖത്ത് ആസിഡ് ഒഴിച്ച് , പെട്രോൾ ഒഴിച്ച് കത്തിക്കുന്നതിൻ്റെ .... പേര് "പ്രണയം" ... സ്ത്രീകളുടെ കൂടെ അവളുടെ അവകാശങ്ങൾക്ക് വേണ്ടി നിലകൊള്ളുകയും നിസ്വാർത്ഥമായി പ്രണയിക്കുന്ന ഭർത്താവിൻ്റെ പേര് _ പെൺ കോന്തൻ. മനുഷ്യരെ സ്നേഹിക്കാൻ പ്രകൃതിദുരന്തങ്ങൾ പ്രളയം ,ഇടക്കിടെ ചുഴലിക്കാറ്റ് ,നല്ലവണ്ണം സ്നേഹിക്കാൻ ഭൂകമ്പം ,ഇത് കൊണ്ടൊന്നും സ്നേഹിച്ച് മതിവരാതെ രോഗങ്ങൾ, ദുരിതങ്ങൾ വൈറസ്.ഇങ്ങനെ മനുഷ്യരെ കൂട്ടത്തോടെ കൊല്ലുന്നതിൻ്റെയും .ചത്തു കഴിഞ്ഞാൽ നരകത്തിലിട്ട് കാലാകാലം കത്തിക്കുന്നതിൻ്റെ പേരാണ് ഏറ്റവും വലിയ രസം - ദൈവ കരുണ. .ഈ തല തിരിഞ്ഞ ലോകത്തെ നേരെ കാണാൻ മനുഷ്യരെയെല്ലാം കുറച്ചു കാലം വവ്വാലിനെ പോലെ തലകീഴായി തൂക്കിയിടണം- coy-അച്ചുവിന്‍റെ സുവിശേഷം