കോഴിക്കോട്: സ്വകാര്യ ആശുപത്രിയിലെ ഡോക്ടര് ഉള്പ്പെടെ ജില്ലയില് ഇന്ന് ഏഴ് കോവിഡ് പോസിറ്റീവ് കേസുകള് കൂടി റിപ്പോര്ട്ട് ചെയ്തതായി ജില്ലാ മെഡിക്കല് ഓഫീസര് അറിയിച്ചു. 31 വയസ്സുള്ള എളേറ്റില് സ്വദേശിയാണ് രോഗ ബാധിച്ച ഡോക്ടര്. ഇവര് കോഴിക്കോട് മിംസ് ആശുപത്രിയില് ചികിത്സയിലാണ്.
മണിയൂര് സ്വദേശികളായ രണ്ട് പേര് (42, 46 വയസ്സ്), വടകര സ്വദേശി (42), അത്തോളി സ്വദേശി (42) എന്നീ നാലു പേര് ജെ. 9 1413 ജെസീറ എയര്വേയ്സിന്റെ കുവൈത്ത്- കോഴിക്കോട് വിമാനത്തില് എത്തുകയും സര്ക്കാര് തയ്യാറാക്കിയ വാഹനത്തില് കൊറോണ കെയര് സെന്ററില് എത്തി നിരീക്ഷണത്തില് കഴിയുകയായിരുന്നു. സ്രവ പരിശോധന
നടത്തി റിസള്ട്ട് പോസിറ്റീവ് ആയതിനെ തുടര്ന്ന് കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലേ്ക്ക് മാറ്റി.
39 വയസ്സുള്ള കുറ്റ്യാടി സ്വദേശിയാണ് ആറാമത്തെ ആള്. ഇദ്ദേഹം മെയ് 31 ന് ഐ.എക്സ്.1376 എയര് ഇന്ത്യ വിമാനത്തില് ബഹ്റൈനിനില് നിന്നു കോഴിക്കോട് എയര്പോര്ട്ടിലെത്തുകയും രോഗലക്ഷണങ്ങള് കണ്ടതിനെ തുടര്ന്ന് കോഴിക്കോട് മെഡിക്കല് കോളേജിലേ്ക്ക് മാറ്റുകയുമായിരുന്നു.