ബെല്ജിയം: സാനിയ മിര്സ-ബെഥാനി മാറ്റെക്
സഖ്യത്തിന് ബ്രസല്സ് ഓപ്പണ് ടെന്നീസില് വനിതാ ഡബിള്സ് കിരീടം. അലിക്ജാ
റൊസോള്സ്ക (പോളണ്ട്)- ഷെങ് ജീ (ചൈന) സഖ്യത്തെയാണ് ഇന്തോ-അമേരിക്കന്
സഖ്യം പരാജയപ്പെടുത്തിയത്. സ്കോര് (6-3, 6-2). സീസണില് സാനിയ നേടുന്ന
രണ്ടാമത്തെ ഡബ്ല്യൂടിഎ കിരീടമാണിത്.
മാറ്റേക്കുമൊത്ത് ഇത് രണ്ടാം തവണയാണ് സാനിയ ഡബ്ല്യൂടിഎ ഫൈനലില്
കളിക്കുന്നത്. 2009 ല് സിന്സിനാറ്റി ഓപ്പണ് ഫൈനലിലായിരുന്നു ഇരുവരും
ഇതിനു മുന്പ് ഒരുമിച്ചിറങ്ങിയത്. മികച്ച ഫോമിലായിരുന്നു ഇന്തോ-അമേരിക്കന്
സഖ്യം കളത്തില് നിറഞ്ഞത്. ഒരു മണിക്കൂറിനും പത്ത്
മിനുട്ടുകള്ക്കുമുള്ളില് ഇരുവരും വിജയം സ്വന്തമാക്കുകയായിരുന്നു.