പ്രായമായ ദമ്പതികളും ഒരു കുട്ടിയും ഉള്പ്പെടെ മൂന്നു ബന്ധുക്കള്ക്കൊപ്പം എത്തിയതിനാലാണ് നാലുകോടി സ്വദേശിക്ക് ഹോം ക്വാറന്റയിനില് കഴിയാന് അനുമതി നല്കിയത്. ബന്ധുക്കള് മൂന്നുപേരുടെയും പരിശോധന ഫലം നെഗറ്റീവാണ്. ക്വാറന്റയിന് കാലാവധി ഇന്ന് പൂര്ത്തിയാകാനിരിക്കെയാണ് യുവാവിന് രോഗം കണ്ടെത്തിയത്. ഇയാള്ക്ക് പ്രകടമായ രോഗ ലക്ഷണങ്ങളില്ല. ഇതേ വിമാനത്തിലെത്തിയ മറ്റു രണ്ടു പേര്ക്ക് ജില്ലയില് രോഗം സ്ഥിരീകരിച്ചിരുന്നു.
അബുദാബിയില്നിന്നുള്ള വിമാനത്തില് ഇരുമ്പൂഴിക്കര സ്വദേശിക്കൊപ്പമെത്തിയ നാലു സുഹൃത്തുക്കളുടെ പരിശോധനാ ഫലം നെഗറ്റീവാണ്. ഇതേ വിമാനത്തില് വന്ന മൂന്നു പേര്ക്ക് മറ്റു ജില്ലകളില് രോഗം സ്ഥിരീകരിച്ചിട്ടുണ്ട്. ഇന്ന് രോഗം സ്ഥിരീകരിച്ച രണ്ടു പേരെയും കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഇവര് ഉള്പ്പെടെ കോട്ടയം ജില്ലയില് കോവിഡ് ബാധിതരായി ചികിത്സയിലുള്ളവരുടെ എണ്ണം 11 ആയി.
ഇതുവരെ 22 പേര് ജില്ലയില് രോഗമുക്തരായി.