മുംബൈ: മഹാരാഷ്ട്രയില്‍ മുംബൈ-പൂനെ എക്സ്പ്രസ് പാതയിലുണ്ടായ വാഹനാപകടത്തില്‍ 26 പേര്‍ മരിച്ചു. അര്‍ധരാത്രിക്ക് ശേഷം ഖാലാപൂരിന് സമീപമായിരുന്നു അപകടം. 26 പേര്‍ക്ക് പരിക്കേറ്റിട്ടുണ്ട്. അമിത വേഗത്തിലെത്തിയ ഒരു ടെമ്പോവാന്‍ സ്വകാര്യ മിനി ബസിലേക്ക് ഇടിച്ചുകയറുകയായിരുന്നു. പൂനെയില്‍ നിന്നും വടക്കുകിഴക്കന്‍ മുംബൈയിലെ ഗാട്ട്കോപാറില്‍ ഒരു വിവാഹച്ചടങ്ങില്‍ പങ്കെടുത്ത് മടങ്ങിയവരാണ് മിനി ബസിലുണ്ടായിരുന്നത്. സാങ്കേതിക തകരാര്‍ മൂലം ബസ് റോഡില്‍ നിര്‍ത്തിയിട്ടിരിക്കുകയായിരുന്നെന്നും വിവരമുണ്ട്. മരിച്ചവരില്‍ നാല് കുട്ടികളും ഉള്‍പ്പെടും. പരിക്കേറ്റവരെ പാന്‍വേലിലെ എംജിഎം ആശുപത്രിയിലും പൂനെയിലെ സസൂണ്‍ ആശുപത്രിയിലും പ്രവേശിപ്പിച്ചിരിക്കുകയാണ്.