തിരുവനന്തപുരം: സംസ്ഥാനത്ത് ഇന്ന് 24 പേര്ക്ക് കൂടി കോവിഡ്19 സ്ഥിരീകരിച്ചു. മലപ്പുറം ജില്ലയില് നിന്നുള്ള അഞ്ചു പേര്ക്കും കണ്ണൂര് ജില്ലയില് നിന്നുള്ള നാലുപേര്ക്കും കോട്ടയം,തൃശൂര് ജില്ലകളില് നിന്നുള്ള മൂന്നു പേര്ക്ക് വീതവും തിരുവനന്തപുരം,കൊല്ലം, ആലപ്പുഴ ജില്ലകളില്നിന്ന് രണ്ടുപേര്ക്ക് വീതവും ഇടുക്കി, പാലക്കാട്, കാസര്കോട് ജില്ലകളില് ഓരോരുത്തര്ക്കുമാണ് രോഗം സ്ഥിരീകരിച്ചത്.
ഇതില് 14 പേര് വിദേശത്തു നിന്നും (യു.എ.ഇ.8, കുവൈത്ത്4, ഖത്തര്1, മലേഷ്യ1) 10 പേര് മറ്റ് സംസ്ഥാനങ്ങളില്നിന്നും (മഹാരാഷ്ട്ര5, തമിഴ്നാട്3, ഗുജറാത്ത്1, ആന്ധ്രപ്രദേശ്1) വന്നതാണ്.
രോഗം സ്ഥിരികരിച്ച് ചികിത്സയിലായിരുന്ന എട്ടുപേരുടെ പരിശോധനാഫലം നെഗറ്റീവ് ആയി. വയനാട് ജില്ലയില്നിന്നും അഞ്ചു പേരുടെയും (ഒരു മലപ്പുറം സ്വദേശി), കോട്ടയം, എറണാകുളം (മലപ്പുറം സ്വദേശി), കോഴിക്കോട് ജില്ലകളില്നിന്നും ഒരാളുടെ വീതവും പരിശോധനാഫലമാണ് നെഗറ്റീവ് ആയത്. 177 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 510 പേര് രോഗമുക്തരായി.
എയര്പോര്ട്ട് വഴി 5,495 പേരും സീപോര്ട്ട് വഴി 1,621 പേരും 332ചെക്ക് പോസ്റ്റ് വഴി 68,844 പേരും റെയില്വേ വഴി 2136 പേരും ഉള്പ്പെടെ സംസ്ഥാനത്ത് ആകെ 78,096 പേരാണ് എത്തിയത്.
വിവിധ ജില്ലകളിലായി 80,138 പേര് നിരീക്ഷണത്തിലാണ്. 79,611 പേര് വീട്/ഇന്സ്റ്റിറ്റിയൂഷണല് ക്വാറന്റീനിലും 527 പേര് ആശുപത്രികളിലും നിരീക്ഷണത്തിലാണ്. 153 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.