ന്യൂഡല്ഹി: മെയ് 25 മുതല് രാജ്യത്ത് ആഭ്യന്തര വിമാന സര്വീസ് നടത്തും. കേന്ദ്ര വ്യോമയാന മന്ത്രി ഹര്ദീപ് സിങ് പുരിയാണ് ഇക്കാര്യം ട്വിറ്ററിലൂടെ അറിയിച്ചത്.
'ആഭ്യന്തര സിവില് ഏവിയേഷന് പ്രവര്ത്തനങ്ങള് മെയ് 25 തിങ്കളാഴ്ച മുതല് പുനരാരംഭിക്കും. എല്ലാ വിമാനത്താവളങ്ങളേയും വിമാനകമ്പനികളേയും മെയ് 25 മുതല് പ്രവര്ത്തനത്തിന് തയ്യാറാകാന് അറിയിച്ചിട്ടുണ്ട്' പുരി ട്വിറ്ററിലൂടെ അറിയിച്ചു.
യാത്രക്കാര് പാലിക്കേണ്ട സുരക്ഷാ മാനദണ്ഡങ്ങള് സംബന്ധിച്ച വിശദമായ ഉത്തരവ് വ്യോമയാന മന്ത്രാലയം പുറത്തിറക്കും. മാര്ച്ച് 25നാണ് ആഭ്യന്തര - അന്താരാഷ്ട്ര വിമാന സര്വീസുകള് കേന്ദ്ര സര്ക്കാര് നിര്ത്തിവച്ചത്.
രാജ്യത്ത് നിലവില് ചരക്ക് വിമാനങ്ങളും പ്രവാസികളെ എത്തിക്കുന്നതിനുള്ള എയര് ഇന്ത്യയുടെ വന്ദേഭാരത് വിമാനങ്ങളുമാണ് സര്വീസ് നടത്തുന്നത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല