വാഷിങ്ടണ്: കൊവിഡ് 19 സൃഷ്ടിച്ച പ്രതിസന്ധിയില് അമേരിക്കയിലെ ഭരണ നേതൃത്വത്തെ വിമര്ശിച്ച് രംഗത്ത് എത്തിയ മുന് അമേരിക്കന് പ്രസിഡന്റ് ബറാക് ഒബാമക്കെതിരെ ഡൊണാള്ഡ് ട്രംപ്. ബറാക് ഒബാമ കഴിവില്ലാത്ത പ്രസിഡന്റ് ആയിരുന്നെന്നാണ് അദ്ദേഹത്തിന്റെ പ്രതികരണം. വൈറ്റ് ഹൗസിലെത്തിയ മാധ്യമങ്ങളോടായിരുന്നു ട്രംപിന്റെ പ്രതികരണം. ‘ഒബാമ ഒരു കഴിവില്ലാത്ത പ്രസിഡന്റ് ആണ്. ഒബാമ തികച്ചും ഒരു കഴിവില്ലാത്ത പ്രസിഡന്റ് ആണ്. ഇത മാത്രമാണ് എനിക്ക് പറയാനുള്ളത്’ – മാധ്യമങ്ങളുടെ ചോദ്യത്തിന് മറുപടിയായി ട്രംപ് പറഞ്ഞു. പദവികളിലുള്ളവരാണെന്ന ഭാവം പോലുമില്ല;
കൊവിഡ് പ്രതിരോധത്തില് ട്രംപ് ഭരണകൂടത്തെ വിമര്ശിച്ച് ഒബാമ ശനിയാഴ്ച്ച അമേരിക്കയിലെ കൊവിഡ് പ്രതിരോധ പ്രവര്ത്തനങ്ങളിലെ പാളിച്ചകള് ചൂണ്ടിക്കാണിച്ച് ഒബാമ രംഗത്ത് എത്തിയിരുന്നു. ട്രംപിന്റെ പേര് പരാമര്ശിക്കാതെയാണ് വിമര്ശനം നടത്തിയതെങ്കിലും അദ്ദേഹത്തിന്റെ വാക്കുകളില് നിഴലിച്ചിരുന്നത് അമേരിക്കയിലെ ഇപ്പോഴത്തെ ഭരണ നേതൃത്വത്തിന്റെ പ്രവര്ത്തനങ്ങള് ആയിരുന്നു എന്ന് വ്യക്തമായിരുന്നു.
ത്തരവാദിത്തപ്പെട്ട സ്ഥാനങ്ങളില് ഇരിക്കുന്ന പലര്ക്കും തങ്ങള് എന്താണ് ചെയ്യുന്നത് എന്ന് പോലും അറിയില്ല എന്നായിരുന്നു ഒബാമയുടെ പരാമര്ശം. കൊവിഡ് 19 സൃഷ്ടിച്ച പ്രതിസന്ധി അമേരിക്കയിലെ വംശീയ അസമത്വത്തിന് കൂടി അടിവരയിടുന്നതാണെന്നും അദ്ദേഹം അഭിപ്രായപ്പെട്ടിരുന്നു.