ലക്നോ: അതിഥി തൊഴിലാളികളെ സഹായിക്കാന് പ്രിയങ്ക ഗാന്ധിയുടെ നേതൃത്വത്തില് കോണ്ഗ്രസ് തയാറാക്കിയ ബസുകള്ക്ക് സര്വീസ് നടത്താന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് അനുമതി നല്കി. ഉത്തര്പ്രദേശില് നിന്നും രാജസ്ഥാനിലെ വിവിധ ജില്ലയിലേക്ക് അതിഥി തൊഴിലാളികളെ എത്തിക്കാന് കോണ്ഗ്രസ് തയാറാക്കിയ 1000 ബസുകള്ക്കാണ് അനുമതി.ബസുകളുടെ വിവരങ്ങള് നല്കാന് ആവശ്യപ്പെട്ട് യോഗി ആദിത്യനാഥ് കോണ്ഗ്രസ് നേതൃത്വത്തിന് കത്ത് അയച്ചു. ബസുകളുടെ എണ്ണം ഡ്രൈവര്മാരുടെ പേരുകള് എന്നിവ അടക്കം വിവരങ്ങള് നല്കാനാണ് ആവശ്യപ്പെട്ടിരിക്കുന്നത്. ബസുകള്ക്ക് സംസ്ഥാന സര്ക്കാര് അനുമതി നല്കാതിരുന്നതിനെ തുടര്ന്ന് പ്രിയങ്ക മുഖ്യമന്ത്രിയോട് അഭ്യര്ഥന നടത്തിയിരുന്നു.
ബഹുമാനപ്പെട്ട മുഖ്യമന്ത്രി, ഞാന് അപേക്ഷിക്കുന്നു. ഇത് രാഷ്ട്രീയത്തിനുള്ള സമയമല്ല. അതിര്ത്തിയില് ഞങ്ങള് ഒരുക്കിയ ബസുകള് കാത്തുനില്ക്കുന്നു. ആയിരത്തിലേറെ അതിഥി തൊഴിലാളികളെ സഹായിക്കണം. ഭക്ഷണമില്ലാതെ കാല്നടയായി സ്വന്തം നാട്ടിലേക്ക് പോവുകയാണ്. ദയവായി അനുമതി തരൂ..' പ്രിയങ്ക സമൂഹമാധ്യമത്തില് പങ്കുവച്ച വീഡിയോയില് പറഞ്ഞു.