വിനോദ സഞ്ചാരികള്‍ക്ക് ജര്‍മനിയുടെ മുന്നറിയിപ്പ്

കൊറോണ വൈറസ് വ്യാപിക്കുന്നത് തടയാന്‍ ജര്‍മന്‍ സര്‍ക്കാര്‍ ജൂണ്‍ പകുതി വരെ അന്താരാഷ്ട്ര യാത്രകള്‍ക്കെതിരെ മുന്നറിയിപ്പ് നല്‍കി.

വിദേശത്ത് അനിവാര്യമല്ലാത്ത യാത്രകള്‍ക്ക്, പ്രത്യേകിച്ച് ടൂറിസം ആവശ്യങ്ങള്‍ക്കുള്ള യാത്രകള്‍ക്കെതിരെ ജര്‍മനി മാര്‍ച്ചില്‍ തന്നെ മുന്നറിയിപ്പ് നല്‍കിയിരുന്നു.അതേസമയം ജര്‍മനിയിലെ രാജ്യവ്യാപകമായ 'സന്പര്‍ക്ക നിരോധനം' നടപടികള്‍ക്കൊപ്പം ഇത് മെയ് 3 വരെ നീട്ടി.

കുറഞ്ഞത് ജൂണ്‍ 14 വരെയുള്ള കാലയളവിനാണ് ജര്‍മന്‍ വിദേശകാര്യ കാര്യാലയം യാത്രാ മുന്നറിയിപ്പ് നല്‍കിയിരിയ്ക്കുന്നത്.ബുധനാഴ്ച നടന്ന മന്ത്രിസഭാ യോഗത്തിലാണ് സര്‍ക്കാര്‍ ഈ നിര്‍ദേശം അംഗീകരിച്ചത്. അശ്രദ്ധമായ യാത്രകള്‍ പ്രത്യേകിച്ച് വിദേശ യാത്രകള്‍ ജൂണ്‍ പകുതി വരെ നീട്ടേണ്ട തുണ്ടെ ന്നും വിദേശകാര്യ മന്ത്രി ഹെയ്‌കോ മാസ് പറഞ്ഞു.

യൂറോപ്പിലെ ഏറ്റവും വലിയ സന്പദ്വ്യവസ്ഥയായ ജര്‍മനി കഴിഞ്ഞ നാല് ആഴ്ചയ്ക്കുള്ളില്‍ 2,40,000 സഞ്ചാരികളെ സ്വന്തം നാട്ടിലേക്ക് കൊണ്ട ുവന്നിട്ടുണ്ട ്. എന്നാല്‍ ഇനി യാത്രലംഘനം ഈ വേനല്‍ക്കാലത്ത് ഇത്തരമൊരു നടപടി വീണ്ട ും ഏറ്റെടുക്കാന്‍ പോകുന്നില്ലെന്നും മാസ് അറിയിച്ചു.സ്ഥിതി നിരന്തരം വിലയിരുത്തേണ്ട തുണ്ടെ ന്നും ജര്‍മനിയുടെ യൂറോപ്യന്‍ യൂണിയന്‍ അയല്‍ക്കാരുമായി അടുത്ത ഏകോപനത്തിനു ശേഷം ഇതിന് മാറ്റം ഉണ്ടാവുമെന്നും സര്‍ക്കാര്‍ വ്യക്തമാകുന്നു.

ജര്‍മനിയിലെ മിക്കവാറും എല്ലാ ടൂര്‍ ഓപ്പറേറ്റര്‍മാരും വിദേശകാര്യ ഓഫീസ് നല്‍കുന്ന മാര്‍ഗ്ഗനിര്‍ദ്ദേശങ്ങള്‍ പാലിക്കുന്നുണ്ട്. നിലവില്‍ യൂറോപ്യന്‍ യൂണിയനുള്ളിലെ യാത്ര പോലും ഫലത്തില്‍ അസാധ്യമാണ്. ഷെങ്കന്‍ സംസ്ഥാനങ്ങള്‍ തമ്മിലുള്ള അതിര്‍ത്തികള്‍ അടച്ചിരിക്കുകയാണ്. യൂറോപ്യന്‍ യൂണിയന്‍ രാജ്യങ്ങളില്‍ പ്രവേശിക്കുന്നത് നിരോധിച്ചിരിക്കുകയാണ്.അതേസമയം, ജര്‍മനിയിലേക്ക് മടങ്ങുന്ന ഏതൊരാള്‍ക്കും 14 ദിവസത്തേക്ക് ഹോം ക്വാറന്ൈറനില്‍ കഴിയണം.

എന്നാല്‍ നിലവിലുള്ള പകര്‍ച്ചവ്യാധിയും വ്യാപനത്തെ മന്ദഗതിയിലാക്കാനുള്ള ശ്രമങ്ങളും കാരണം മുന്‍പ് യാത്ര ബുക്ക് ചെയ്തവരുടെ പണത്തിന്റെ പ്രശ്‌നം മറ്റൊരു വിഷമകരമായ വിഷയമാണ്, അതേ സമയം എല്ലാ ഉപഭോക്താക്കളും ഒരേ സമയം പണം തിരികെ ആവശ്യപ്പെട്ടാല്‍ പല കന്പനികളും തകരാറിലാകുമെന്ന് യാത്രാ വ്യവസായം ഭയപ്പെടുന്നു.പണം തിരികെ ലഭിക്കാന്‍ ആഗ്രഹിക്കുന്ന ഉപഭോക്താക്കള്‍ക്ക് അതിന് അവകാശമുണ്ടെ ന്ന് ഇയു കമ്മീഷന്‍ വ്യക്തമാക്കിയിട്ടുണ്ട്.

ജര്‍മനിയില്‍ നിന്ന് ഓസ്ട്രിയയിലേക്ക് യാത്ര ചെയ്യാന്‍ കഴിയുമോ?

ഓസ്ട്രിയ അതിര്‍ത്തികള്‍ തുറക്കുന്‌പോള്‍ ജര്‍മന്‍ സര്‍ക്കാര്‍ യൂറോപ്യന്‍ ഏകോപനത്തിനായി ശ്രമിക്കുകയാണ്.എന്നിരുന്നാലും, ഓസ്ട്രിയന്‍ സര്‍ക്കാര്‍ വ്യക്തിഗത രാജ്യങ്ങള്‍ തമ്മിലുള്ള കരാറുകളും ചര്‍ച്ചയ്ക്ക് കൊണ്ട ുവന്നിട്ടുണ്ട ്, ഉദാഹരണത്തിന് ജര്‍മനിയും ഓസ്ട്രിയയും തമ്മിലുള്ള യാത്ര സുഗമമാക്കുന്നതിന്.

ഓസ്ട്രിയയിലെ ഹോട്ടലുകള്‍ മെയ് അവസാനത്തോടെ വീണ്ട ും തുറക്കും. സ്‌പെയിന്‍, ഇറ്റലി, തുര്‍ക്കി, ഗ്രീസ് എന്നിവയ്‌ക്കൊപ്പം ജര്‍മ്മന്‍കാര്‍ക്ക് ഏറ്റവും പ്രചാരമുള്ള അഞ്ച് യാത്രാ സ്ഥലങ്ങളില്‍ ഒന്നാണ് ഓസ്ട്രിയ എന്ന ആല്‍പൈന്‍ രാജ്യം.

കൊറോണ ഇതര സമയങ്ങളില്‍, ജര്‍മന്‍കാര്‍ സ്വദേശത്തേക്കാള്‍ വിദേശത്ത് അവധിക്കാലം എടുക്കാന്‍ ഇഷ്ടപ്പെടുന്നു. റിസര്‍ച്ച് അസോസിയേഷന്‍ ഫോര്‍ ഹോളിഡേയ്‌സ് ആന്റ് ട്രാവല്‍ നടത്തിയ വിശകലനത്തില്‍, 2019 ല്‍ ജര്‍മന്‍കാര്‍ നടത്തിയ 70.8 ദശലക്ഷം അവധിക്കാല യാത്രകളില്‍ 74 ശതമാനവും വിദേശത്തായിരുന്നു.

കറന്‍സി നോട്ടില്‍ നിന്ന് കോവിഡ് ബാധയുണ്ടാകാന്‍ സാധ്യത കൂടുതല്‍ ഇല്ല: ഇസിബി

ഫ്രാങ്ക്ഫര്‍ട്ട്: യൂറോ കറന്‍സി നോട്ടുകളില്‍ നിന്ന് ഉപയോക്താക്കള്‍ക്ക് കൊറോണവൈറസ് ബാധ പടരാന്‍ അധിക സാധ്യതയൊന്നും നിലനില്‍ക്കുന്നില്ലെന്ന് യൂറോപ്യന്‍ സെന്‍ട്രല്‍ ബാങ്ക്. മറ്റു പലതരം പ്രതലങ്ങളിലും നോട്ടുകളിലേതിനെക്കാള്‍ കൂടുതല്‍ സമയം വൈറസിന് നിലനില്‍ക്കാന്‍ സാധിക്കുമെന്നാണ് ഗവേഷണങ്ങളില്‍ തെളിഞ്ഞിട്ടുള്ളതെന്നും ഇസിബി അധികൃതര്‍.

നോട്ടുകളില്‍ തങ്ങുന്നതിന്റെ പത്ത് മുതല്‍ നൂറ് വരെ മടങ്ങ് സമയം സ്‌റെറയ്ന്‍ലെസ് സ്‌ററീല്‍ പ്രതലത്തില്‍ തങ്ങാന്‍ വൈറസിനു സാധിക്കുമെന്നാണ് പഠനങ്ങളില്‍ തെളിഞ്ഞിട്ടുള്ളത്. അതിനാല്‍ ഡോര്‍ ഹാന്‍ഡില്‍ പോലുള്ളവയ്ക്ക് അപകട സാധ്യത കൂടുതലാണ്.

കോട്ടണ്‍, കടലാസ് തുടങ്ങി സൂക്ഷ പ്രതലത്തില്‍ മിനുസമില്ലാത്ത വസ്തുക്കളില്‍ വൈറസ് തങ്ങിയാലും അതില്‍ നിന്നു മറ്റൊരു പ്രതലത്തിലേക്കു പകരാനോ പടരാനോ എളുപ്പമല്ലെന്നും പഠനങ്ങളില്‍ വ്യക്തമായിട്ടുണ്ട ്. പ്‌ളാസ്‌ററിക് പോലെ മിനുസമുള്ള പ്രതലത്തില്‍ നിന്നാണ് കൂടുതല്‍ എളുപ്പത്തില്‍ മറ്റു പ്രതലങ്ങളിലേക്കോ മനുഷ്യരിലേക്കോ പടരാന്‍ സാധ്യത കൂടുതല്‍.

കോട്ടണ്‍~ഫൈബര്‍ പേപ്പര്‍ ഉപയോഗിച്ചാണ് യൂറോ നോട്ടുകള്‍ അച്ചടിക്കുന്നത്. ചൈനയില്‍ കറന്‍സി നോട്ടുകള്‍ അള്‍ട്രാ വയലറ്റ് രശ്മികള്‍ ഉപയോഗിച്ച് അണുവിമുക്തമാക്കാന്‍ സര്‍ക്കാര്‍ തീരുമാനിച്ചിരുന്നു.

ലോക് ഡൗണ്‍ ഇളവുകളുമായി ഫ്രാന്‍സ്

പാരീസ്: ഫ്രാന്‍സിലെ ലോക്ക്ഡൗണ്‍ അവസാനിപ്പിക്കുന്നതിനുള്ള വിശദമായ പദ്ധതി ഫ്രഞ്ച് പ്രധാനമന്ത്രി എഡ്വാര്‍ഡ് ഫിലിപ്പ് വെളിപ്പെടുത്തി. മേയ് 11ന് ലോക്ക്ഡൗണ്‍ ഇളവുകള്‍ നിലവില്‍ വരുന്നതോടെ ഇവിടെ സ്‌കൂളുകള്‍ തുറക്കും. പൊതു ഗതാഗത സംവിധാനങ്ങള്‍ കൂടാതെ സ്‌കൂളുകളിലും മാസ്‌ക് ഉപയോഗം നിര്‍ബന്ധമാക്കാനാണ് ഫ്രഞ്ച് സര്‍ക്കാര്‍ നിര്‍ദേശിച്ചിരിക്കുന്നത്. ഇതോടെ പെര്‍മിഷന്‍ സ്‌ളിപ്പില്ലാതെ ആളുകള്‍ പുറത്തിറങ്ങാം. എന്നാല്‍, വീട്ടില്‍ നിന്ന് നൂറു കിലോമീറ്ററില്‍ കൂടുതല്‍ യാത്ര ചെയ്യാന്‍ പാടില്ല. സ്‌കൂളുകളില്‍ പരമാവധി പതിനഞ്ച് വിദ്യാര്‍ഥികളെ മാത്രമേ ഒരു ക്‌ളാസില്‍ അനുവദിക്കൂ. എന്നാല്‍, ബാറുകളും റെസ്‌റററന്റുകളും സിനിമാശാലകളും അടഞ്ഞു കിടക്കും. ജൂണ്‍ വരെ മതപരമായ പരിപാടികള്‍ക്ക് നിരോധനം തുടരും.മെയ് 11 ന് ശേഷം ആഴ്ചയില്‍ 7,00,000 ടെസ്റ്റുകള്‍ നടത്താന്‍ ഫ്രാന്‍സില്‍ സൗകര്യമൊരുക്കും.ഹോം ഓഫീസ് തുടര്‍ന്നും ഉണ്ടാവും.10 പേര്‍ വരെ പൊതു സമ്മേളനങ്ങള്‍ അനുവദിച്ചിട്ടുണ്ട്. ഫ്രഞ്ച് ഫുട്‌ബോള്‍, മറ്റു സീസണ്‍ കായിക മല്‍സരങ്ങള്‍ സെപ്റ്റംബര്‍ വരെ പുനരാരംഭിക്കില്ല.

സ്‌പെയിനിലെ തൊഴിലില്ലായ്മ നിരക്ക് 14.4 ശതമാനമായി ഉയര്‍ന്നു

മാഡ്രിഡ്: കൊറോണ വൈറസ് പ്രതിസന്ധിക്കിടെ നടപ്പുവര്‍ത്തിന്റെ ആദ്യ പാദത്തില്‍ സ്‌പെയിനിന്റെ തൊഴിലില്ലായ്മാ നിരക്ക് 14.4 ശതമാനമായി ഉയര്‍ന്നതായി ദേശീയ സ്ഥിതിവിവരക്കണക്ക് ഇന്‍സ്റ്റിറ്റ്യൂട്ടിന്റെ(ഐഎന്‍ഇ) കണക്കുകള്‍ വ്യക്തമാക്കുന്നു. രാജ്യവ്യാപകമായി കൊറോണ വൈറസ് ലോക്ക്ഡൗണ്‍ യൂറോസോണിന്റെ നാലാമത്തെ വലിയ സന്പദ്വ്യവസ്ഥയെ ബാധിച്ചതായും പറയുന്നു.തൊഴിലില്ലായ്മ നിരക്ക് മുന്‍ പാദത്തിലെ 13.8 ശതമാനത്തില്‍ നിന്ന് ഉയര്‍ന്നു, 2008 മൂന്നാം പാദത്തിനു ശേഷമുള്ള ഏറ്റവും താഴ്ന്ന നിലയാണെങ്കിലും ഗ്രീസിന് ശേഷമുള്ള യൂറോസോണിലെ ഏറ്റവും ഉയര്‍ന്ന നിരക്ക്.

കൊറോണ വൈറസ് പാന്‍ഡെമിക് ഏറ്റവും കൂടുതല്‍ ബാധിച്ച രാജ്യങ്ങളിലൊന്നായ സ്‌പെയിന്‍ മാര്‍ച്ച് 14 ന് രാജ്യവ്യാപകമായി ലോക്ക്ഡൗണ്‍ ഏര്‍പ്പെടുത്തി, ഇത് സന്പദ്വ്യവസ്ഥയെ വലിയ തോതില്‍ തളര്‍ത്തിക്കളഞ്ഞു.

പല കന്പനികളും ബിസിനസ്സ് നടത്തുന്നതിന് ബുദ്ധിമുട്ടുകള്‍ നേരിട്ടിട്ടുണ്ട ് അല്ലെങ്കില്‍ താല്‍ക്കാലികമായി അടയ്ക്കാന്‍ നിര്‍ബന്ധിതരായി, ഫ്രാന്‍സിനുശേഷം ലോകത്തെ ഏറ്റവും കൂടുതല്‍ ആളുകള്‍ സന്ദര്‍ശിക്കുന്ന രണ്ട ാമത്തെ രാജ്യത്ത് ഹോട്ടലുകളും റെസ്റ്റോറന്റ് മേഖലയും പ്രത്യേകിച്ച് തിരിച്ചടിയായി.

തൊഴില്‍ രഹിതരുടെ എണ്ണം മാര്‍ച്ച് അവസാനത്തോടെ 1,21,000 ആളുകളുടെ എണ്ണം 3.31 ദശലക്ഷമായി ഉയര്‍ന്നു.

ജോലി നഷ്ടപ്പെട്ട പല തൊഴിലാളികളെയും ന്ധനിഷ്‌ക്രിയംന്ധ എന്ന് തരംതിരിച്ചിട്ടുണ്ടെ ന്ന് ഐഎന്‍ഇ കുറിപ്പില്‍ പറയുന്നു. തൊഴിലില്ലായ്മ നിരക്ക് നിര്‍ണ്ണയിക്കാന്‍ നടത്തിയ സര്‍വേ ലോക്ക്ഡൗണ്‍ തടസ്സപ്പെടുത്തി.അതേസമയം 3.9 ദശലക്ഷം തൊഴിലാളികളെ തൊഴിലില്ലായ്മയില്‍ ഉള്‍പ്പെടുത്തിയിട്ടില്ല. അവരുടെ ജോലിയില്‍ നിന്ന് താല്‍ക്കാലികമായി പിരിച്ചുവിട്ടതായി സര്‍ക്കാര്‍ പറയുന്നു.

സ്‌പെയിനിലെ ഇടതുപക്ഷ സര്‍ക്കാര്‍ താല്‍ക്കാലിക പിരിച്ചുവിടലിനുള്ള നിയമങ്ങള്‍ ലളിതമാക്കിയിട്ടുണ്ട ്, അതിന് കീഴില്‍ സാന്പത്തിക ബുദ്ധിമുട്ടുകള്‍ നേരിടുന്ന കന്പനികള്‍ക്ക് ഒരു തൊഴിലാളിയുടെ കരാര്‍ താല്‍ക്കാലികമായി നിര്‍ത്തലാക്കാം, അതേസമയം പകര്‍ച്ചവ്യാധിയുടെ സമയത്ത് സ്ഥിരമായ പിരിച്ചുവിടലുകള്‍ നിരോധിക്കുകയും കോവിഡ് 19 ല്‍ നിന്ന് സന്പദ്വ്യവസ്ഥയ്ക്ക് തിരിച്ചടി മയപ്പെടുത്താന്‍ ശ്രമിക്കുകയും ചെയ്തു. വ്യാപനം.

സ്പാനിഷ് എയര്‍ലൈന്‍ ഐബീരിയ, ഫാസ്റ്റ്ഫുഡ് റീട്ടെയിലര്‍ ബര്‍ഗര്‍ കിംഗ്, വാഹന നിര്‍മാതാക്കളായ സീറ്റ് എന്നിവ ആയിരക്കണക്കിന് ജീവനക്കാരെ താല്‍ക്കാലികമായി പിരിച്ചുവിട്ട വന്‍കിട കന്പനികളില്‍ ഉള്‍പ്പെടുന്നു.

സ്‌പെയിനിന്റെ സാന്പത്തിക ഉല്‍പാദനത്തിന്റെ 12 ശതമാനവും വിനോദ സഞ്ചാരമേഖലയാണ്. ആഗോള യാത്രകള്‍ പകര്‍ച്ചവ്യാധിയെ ബാധിച്ചു. സര്‍ക്കാരുകള്‍ യാത്രാ നിയന്ത്രണങ്ങള്‍ ഏര്‍പ്പെടുത്തുകയും വിമാനക്കന്പനികള്‍ ധാരാളം വിമാനങ്ങള്‍ ഏര്‍പ്പെടുത്തുകയും ചെയ്തു.

രാജ്യത്തെ തൊഴിലില്ലായ്മാ നിരക്ക് ഈ വര്‍ഷം 20.8 ശതമാനത്തിലെത്തുമെന്ന് അന്താരാഷ്ട്ര നാണയ നിധി (ഐഎംഎഫ്) പ്രവചിക്കുന്‌പോള്‍ ബാങ്ക് ഓഫ് സ്‌പെയിന്‍ ഇത് 18.3 ശതമാനത്തിനും 21.7 ശതമാനത്തിനും ഇടയില്‍ ഉയരുമെന്ന് ലോക്ക്ഡൗണ്‍ എത്രത്തോളം നിലനില്‍ക്കുന്നു എന്നതിനെ ആശ്രയിച്ചിരിക്കുന്നു.

മെയ് ഒന്‍പത് വരെ ലോക്ക്ഡൗണ്‍ നീട്ടാന്‍ പാര്‍ലമെന്റ് കഴിഞ്ഞ ആഴ്ച അംഗീകാരം നല്‍കി. മെയ് രണ്ട ാം പകുതിയില്‍ സ്‌പെയിനിന്റെ നിയന്ത്രണങ്ങള്‍ ലഘൂകരിക്കാന്‍ കഴിയുമെന്ന് പ്രധാനമന്ത്രി പെഡ്രോ വ്യക്തമാക്കിയിട്ടുണ്ട്.

ഒരു ദശാബ്ദക്കാലം നീണ്ട ുനിന്ന തൊഴില്‍ രഹിതരുടെ ശതമാനം 2008 ല്‍ സ്‌പെയിനിന്റെ തൊഴിലില്ലായ്മാ നിരക്ക് കുതിച്ചുയര്‍ന്നിരുന്നു. ദശലക്ഷക്കണക്കിന് ആളുകളെ ജോലിയില്‍ നിന്ന് അന്ന് പുറത്താക്കിയിരുന്നു2013 ന്റെ തുടക്കത്തില്‍ 27.2 എന്ന ഏറ്റവും ഉയര്‍ന്ന നിരക്കിലെത്തിയപ്പോള്‍ നിരക്ക് ക്രമാതീതമായി കുറയുന്നു.

സ്വിസ് ബാര്‍ബര്‍മാര്‍ സര്‍ ചാര്‍ജ് പ്രഖ്യാപിച്ചു; പൊതുജന രോഷം രൂക്ഷം

ബേണ്‍: മുടിവെട്ടാനും ഷേവ് ചെയ്യാനും വരുന്നവരില്‍ നിന്ന് കൊറോണ സര്‍ ചാര്‍ജ് ഈടാക്കാനുള്ള സ്വിറ്റ്‌സര്‍ലന്‍ഡിലെ ഹെയര്‍ ഡ്രസര്‍മാരുടെ തീരുമാനത്തില്‍ പൊതുജനങ്ങള്‍ക്കിടയില്‍ വ്യാപക പ്രതിഷേധം.

ലോക്ക്ഡൗണ്‍ സമയത്തെ നഷ്ടം നികത്താനും മാസ്‌കുകള്‍ പോലുള്ള അധിക സുരക്ഷാ സംവിധാനങ്ങള്‍ വാങ്ങാനുമുള്ള ചെലവ് നികത്താനാണ് ഈ തീരുമാനമന്ന് ബാര്‍ബര്‍മാര്‍ പറയുന്നു. എന്നാല്‍, ഒരു മാസ്‌കിന് ഏറി വന്നാല്‍ ഒരു ഫ്രാങ്കില്‍ കൂടുതല്‍ വരില്ലല്ലോ എന്നാണ് കസ്റ്റമര്‍മാരുടെ ചോദ്യം. ഒരു ഫ്രാങ്ക് മുതല്‍ അഞ്ച് ഫ്രാങ്ക് വരെ സര്‍ചാര്‍ജായി ഈടാക്കുന്നുണ്ട ്.

മാസ്‌ക് മാത്രമല്ല, ഡിസ്‌പോസിബിള്‍ ഏപ്രണുകളും അണുനാശിനികളുമെല്ലാം ഇപ്പോള്‍ അധികമായി വാങ്ങേണ്ട ി വരുന്നു എന്ന് ഹെയര്‍ ഡ്രസര്‍മാര്‍ ചൂണ്ട ിക്കാട്ടുന്നു.

എന്നാല്‍, ഇതു കൊള്ളലാഭമുണ്ട ാക്കല്‍ അല്ലാതെ മറ്റൊന്നുമല്ലെന്നാണ് വിമര്‍ശകര്‍ പറയുന്നത്. ലോക്ക്ഡൗണ്‍ ഇളവുകള്‍ പ്രഖ്യാപിച്ചതോടെ ബാര്‍ബര്‍ ഷോപ്പുകളില്‍ ആഴ്ചകളോളം ബുക്കിങ് കിട്ടാത്ത അവസ്ഥയുമാണ് ഇപ്പോഴുള്ളത്.

ലോക്ക്ഡൗണില്‍ ബ്രിട്ടീഷ് മന്ത്രിമാര്‍ വെള്ളം ചേര്‍ക്കുന്നു എന്ന് ആരോപണം

ലണ്ട ന്‍: ബ്രിട്ടനില്‍ ലോക്ക്ഡൗണുമായി ബന്ധപ്പെട്ട നിയന്ത്രണങ്ങളില്‍ മന്ത്രിമാര്‍ ഇടപെട്ട് വെള്ളം ചേര്‍ക്കുകയാണെന്ന ആരോപണം ശക്തമാകുന്നു. രാജ്യത്തെ ലോക്ക്ഡൗണില്‍ ഇളവുകള്‍ പ്രഖ്യാപിക്കാന്‍ പ്രധാനമന്ത്രി ബോറിസ് ജോണ്‍സണ്‍ തയാറെടുക്കുന്‌പോഴാണ് ഈ ആരോപണം.

പത്തു പേര്‍ക്കു വരെ ഒരുമിച്ച് ചേരാനുള്ള അനുവാദം നല്‍കുമെന്നാണ് സൂചന. റെയില്‍വേ സേവനങ്ങള്‍ പുനരാരംഭിക്കാനുള്ള പ്രവര്‍ത്തനങ്ങളും ആരംഭിച്ചു കഴിഞ്ഞു.

എന്നാല്‍, ലോക്ക്ഡൗണില്‍ ഇത്ര വലിയ നിയന്ത്രണങ്ങള്‍ നല്‍കാനുള്ള സാഹചര്യം രാജ്യത്ത് ആയിട്ടില്ലെന്നാണ് ആരോഗ്യ രംഗത്തെ വിദഗ്ധരും ശാസ്ത്രജ്ഞരും ആവര്‍ത്തിച്ച് മുന്നറിയിപ്പ് നല്‍കുന്നത്.

അതേസമയം, വൈറസ് പൂര്‍ണമായി നിയന്ത്രണവിധേയമാകുന്നതു വരെ ലോക്ക്ഡൗണ്‍ തുടരണമെന്നാണ് രാജ്യത്തെ പൗരന്‍മാരില്‍ മൂന്നില്‍ രണ്ട ് ആളുകളും ആഗ്രഹിക്കുന്നതെന്ന് അഭിപ്രായ സര്‍വേകളില്‍ വ്യക്തമാകുന്നു.

റിപ്പോര്‍ട്ട്: ജോസ് കുന്പിളുവേലില്‍