മഞ്ഞിലും മഴയിലും തെന്നുന്ന ഐസ്സിലും എല്ലുപോലും കോച്ചുന്ന തണുപ്പിലും, കൊടുങ്കാറ്റിലും, ഇടിയും കൊള്ളിയാനുംതകര്ത്തു വാഴുമ്പോഴും ഇരുട്ടിലും പട്ടി കടി കൊണ്ടുംനിങ്ങളുടെവീട്ടില് മെയില് എത്തിക്കുന്നവര്. അങ്ങനെയുള്ള പോസ്റ്റല് സര്വീസിനെ വിവരം ഉള്ളവര് ആരും തള്ളി പറയുക ഇല്ല.
അമേരിക്കയുടെ ഭരണഘടന ഉണ്ടാകുന്നതിനു മുമ്പ് തന്നെ അമേരിക്കന് ജനതയെ സേവിച്ച പോസ്റ്റല് സര്വീസ്അമേരിക്കന് ജനാധിപത്യത്തെ നില നിര്ത്തുവാന് ഉതകിയ ശക്തി തന്നെ. അതിനാല് ജനാധിപത്യത്തെ തകര്ത്തു നശിപ്പിച്ചു ഫാസിസം കൊണ്ടുവരുവാന് ശ്രമിക്കുന്നവര് ഇന്ന് പോസ്റ്റല് സര്വീസിന് എതിരെയുദ്ധം പ്രഖ്യാപിച്ചു.
മുന് കാലങ്ങളില് പലപ്പോഴും പലരുംപോസ്റ്റല് സര്വീസിനെ തകര്ക്കുവാന് ശ്രമിച്ചു. അതില് പ്രമുഖന് ആയിരുന്നു ഡേരിയല് ഐസ. അജ്ഞത, മനപൂര്വം പരിലാളിക്കുന്ന പ്രതികാരം, ധനമോഹം,അങ്ങനെ അനേകം കാരണങ്ങള് ഇവരെ നയിച്ചു. ഇപ്പോള് പോസ്റ്റല് സര്വീസിനെ നശിപ്പിക്കാന് കച്ചകെട്ടി ഇറങ്ങിയിരിക്കുന്നത്ട്രംപും മറ്റു കുറെ റിപ്പപ്ലിക്കന്സും ആണ്.
600 000 ല് അധികം ജോലിക്കാര് ഉള്ള പോസ്റ്റല് സര്വീസ്; പരുക്കേറ്റ പട്ടാളക്കാരുടെ അഭയം ആണ്. ആവശ്യത്തിന് വെറ്ററന്സിനെ ലഭിക്കാതെ വരുമ്പോള് മാത്രമേ സിവിലിയന്സിനെ പുറത്തുനിന്നും എടുക്കുകയുള്ളു. തുല്യ ശമ്പളവും തുല്യ അവകാശങ്ങളും സ്ത്രിക്കുംപുരുഷനും ഇവിടെ ഉണ്ട്. വികലാംഗര്ക്കു പ്രതേക പരിഗണയും ഉണ്ട്. ഇത്ര മഹത്തായ ഈ ഏജന്സിയെ എന്തിനു ആണ് ചിലര് നശിപ്പിക്കാന് കിണഞ്ഞു ശ്രമിക്കുന്നത്?
ആമസോണിനോടുള്ള പകയും അസൂയയും. കാരണം വ്യക്തം. വാഷിംഗ്ടണ് പോസ്റ്റിന്റെഉടമയും ജെഫ് ബെസോസ് ആണ്.ആമസോണിന്റെപാര്സലുകള്ഡെലിവര് ചെയ്യുന്നത് പോസ്റ്റല് സര്വീസ് ആണ്. വലിയ കോര്പ്പറേറ്റ് ഡിസ്കൗണ്ട് നിരക്കില് ആണ് ആമസോണ് പാര്സല്പോസ്റ്റല് സര്വീസ് ഡെലിവറി നടത്തുന്നത് എങ്കിലും പോസ്റ്റ് ഓഫീസിനു വലിയ വരുമാനം തന്നെ.
ആമസോണിനു ഡിസ്കൗണ്ട് കൊടുക്കാന് പാടില്ല എന്ന് ട്രമ്പ് വാശിപിടിക്കുന്നു.
ഗവര്മെന്റെഏജന്സികള്ലാഭം ഉണ്ടാക്കാന് വേണ്ടിയുള്ളവ അല്ല, പൊതു സേവനം ആണ് ലക്ഷ്യം. ആദായ നികുതി, കസ്റ്റംസ് ഒഴികെ മറ്റു അനേക ഗവര്മെന്റെഏജന്സികള് വരുമാനം കൊണ്ടുവരുന്നില്ല, പോസ്റ്റല് സര്വീസ് മാത്രം ലാഭം ഉണ്ടാക്കണം എന്നത് ദുര്വാശി
തൊണ്ണൂറു ശതമാനം അപ്പ്രൂവല് റേറ്റിംഗ് ഉള്ള ഏക ഏജന്സി ആണ് പോസ്റ്റല് സര്വീസ്.
അമേരിക്കന് ജനാധിപത്യത്തെ കാത്തു സൂക്ഷിക്കാന് പോസ്റ്റല് സര്വീസ് നല്കുന്ന സേവനം വളരെ ആണ്.മിലിട്ടറിയില് സേവനം ചെയ്യുന്നവര്ക്ക് വോട്ട് ചെയ്യുവാന് ഉള്ള ഏക മാര്ഗം പോസ്റ്റല് വോട്ട് ആണ്.പോസ്റ്റല് സര്വീസ് ഇല്ലാതെ ആക്കിയാല് അനേകര്ക്ക് വോട്ടു ചെയ്യുവാന് ഉള്ള അവസരംഇല്ലാതെആക്കാം.യാതൊരുഅടിസ്ഥാനവും ഇല്ലാതെ പോസ്റ്റല് വോട്ടുകള് കള്ള വോട്ടുകള് ആണ് എന്ന് പ്രചരിപ്പിക്കുന്നു.
പോസ്റ്റല് സര്വീസ് ഇല്ലാതെ വന്നാല് ഫെഡ്എക്സ്, യു പി എസ് എന്നിവക്ക് കുറഞ്ഞ നിരക്ക് 5 ഡോളര് കൊടുക്കേണ്ടിവരും. ഇവയുടെ റേറ്റുകള് നോക്കുക.
അമേരിക്കയുടെ എല്ലാ മുക്കിലും മൂലയിലും ഏതു കാലാവസ്ഥയിലും മെയില് എത്തിക്കുന്ന പോസ്റ്റല് സര്വീസ് അമേരിക്കയുടെ ജീവനാഡി ആണ്. 600,000 ജീവനക്കാര്മാത്രം അല്ല പോസ്റ്റല് സര്വീസിനെ ചുറ്റി പറ്റി അനേകം ബിസിനസ്സുകള് ഉണ്ട്. അവ ഒക്കെ അടച്ചു പൂട്ടുവാനും, അനേകരുടെ ജോലി നഷ്ടപെടുവാനും ആരും കൂട്ട് നില്ക്കരുത്. രാഷ്ട്രീയക്കാര് വളരെ സ്വാര്ത്ഥര് ആണ്, അവരുടെ കീശ നിറച്ചു അവര് സ്ഥലം വിടും. പോസ്റ്റല് സര്വീസ് നശിപ്പിക്കാന് ശ്രമിക്കുന്നവരും, അതിന്റെ നിലനില്പ്പിന്റെ ആവശ്യം മനസില് ആക്കാന് ബുദ്ധിമുട്ടുള്ളവരുംദുരുദ്ദേശമുള്ളവരാണ്
പോസ്റ്റല് സര്വീസ് ഉണ്ടാക്കുന്ന മിച്ചം പണം നേരെ ട്രഷറിയിലേക്കു ആണ് പോകുന്നത്. അമേരിക്കന് സിവില് വാര്, 2 ലോക മഹായുദ്ധങ്ങള്, ഡിപ്രഷന്, അനേകം റിസെഷനുകള് ഒക്കെ അതിജീവിച്ചു, അനേകം മിഡില് ക്ലാസ്ജോലികള് സംരക്ഷിച്ച പോസ്റ്റല് സര്വീസ് എന്നെപോലെയുള്ള അനേകരുടെ അന്നതാദാവ് ആണ്. പോസ്റ്റല് സര്വീസിന് എതിരെ ഇന്ന് കോവിഡ് -19 ഉം ഭരണക്കാരും നടത്തുന്ന ആക്രമണം
നിസ്സഹായാര് ആയി മാത്രമേ ഞങ്ങള്ക്കു നോക്കി നില്ക്കുവാന് സാധിക്കയുള്ളു.
പോസ്റ്റല് സര്വീസ് ഉണ്ടാക്കുന്ന പണം മാത്രം മതി ഇതിനെ മുന്നോട്ടു കൊണ്ടുപോകാന്. പക്ഷേ കളിയുടെ രഹസ്യം മിക്കവാറും ആര്ക്കും തന്നെ യാതൊരു പിടിയും ഇല്ല.നികുതി പണം കൊണ്ട് ആണ് പോസ്റ്റല് ജീവനക്കാരുടെശമ്പളം കൊടുക്കുന്നത് എന്ന തെറ്റിദ്ധാരണ പണ്ട് മുതലേ നിലനില്ക്കുന്നു, അതുപൂര്ണ്ണമായും തെറ്റ് ആണ്. പോസ്റ്റ് ഓഫീസിന്റെസെയില്സ് ടെര്മിനലില് നിന്നും ലഭിക്കുന്ന പണം മാത്രം മതിസ്വയം പര്യപ്തതയില് ഈ സര്വീസ് മുന്നോട്ടു പോകുവാന്.
അടുത്ത കാലം വരെയും എല്ലാ ഫെഡറല് ജീവനക്കാരുടെയും ഹെല്ത് ഇന്ഷുറന്സ് പ്രീമിയം കുറക്കുവാന് പോസ്റ്റല് സര്വീസ് ആണ് സബ്സിഡൈസ്സു ചെയ്തിരുന്നതു. അതുപോലെ 2006 ല് കോണ്ഗ്രസ്സ് പാസ്സാക്കി, പോസ്റ്റല് ജീവനക്കാരുടെ ഹെല്ത് ഇന്ഷുറന്സ്, പെന്ഷന് എന്നിവക്കുള്ള തുക മുന്കൂര് പോസ്റ്റല് സര്വീസ് നിക്ഷേപിക്കണം എന്നുള്ള നിയമം. പോസ്റ്റ് ഓഫീസ് ഉണ്ടാക്കുന്ന മിച്ചപണം അടിച്ചുമാറ്റാന് ഉള്ള ഒരു തന്ത്രം ആയിരുന്നു ഇത്.
ഇപ്പോളത്തെ കണക്കുകള് പ്രകാരം അടുത്ത 75 വര്ഷത്തേക്കുള്ള തുക ഇപ്പോള് ട്രഷറിയില് ഉണ്ട്. ഈ നിയമം അസാധു ആക്കിപ്രതിവര്ഷ കോണ്ട്രിബൂഷന് ആക്കിയാല് പോസ്റ്റല് സര്വീസ് രക്ഷപെടും. ഈ തുക ചെറുത് അല്ല ബില്യണുകള് ആണ്. പോസ്റ്റല് സര്വീസ് ഇല്ലാതെ ആക്കിയാല് ഈ വന് തുക ഫെഡറല് കമ്മികുറക്കാന് ഉപയോഗിക്കാം, അത് മാത്രം അല്ല; വന് റിയല് എസ്റ്റേറ്റ് പ്രോപ്പര്ട്ടികള് പോസ്റ്റല് സര്വീസിനു ഉണ്ട്, പോസ്റ്റല് സര്വീസ് ഇല്ലാതെ ആക്കിയാല് ഇവ വിറ്റു കിട്ടുന്ന പണംഉപയോഗിക്കാം.
പോസ്റ്റല് സര്വീസ് വെറും ഒരു ജോക്ക് ആണ് എന്നാണ് ട്രമ്പ് പറഞ്ഞത്. യാതൊരു പോര്ട്ടഫോളിയോ ഇല്ലാതെ പോസ്റ്റല് സര്വീസിയില് അനേകം ബ്യുറോക്രാറ്റുകള് ഉണ്ട്. ഇവര് പാര്ട്ടി കണ്ട്രിബുട്ടേര്സ് ആണ്, ഇവരെ 'യു ആര് ഫയേര്ഡ്' എന്ന് പറഞ്ഞു വിട്ടാല് ധരാളം പണം ലാഭിക്കാം.
മുന്കാലങ്ങളില് പോസ്റ്റ് ഓഫീസുകള് ചെറിയ ബാങ്കുകള് ആയിരുന്നു. സര്വീസ് ചാര്ജു ഇല്ലാതെ ബാങ്ക് ഇടപാടുകള് നടത്തിയിരുന്ന അവസ്ഥ തിരികെ കൊണ്ടുവരണം. ഇപ്പോള് ബാങ്ക് അക്കൗണ്ട് ഇല്ലാത്ത ഭവനങ്ങളുടെ എണ്ണം 10 മില്യണില് അധികം ആണ്. ചെക്ക് കാഷിംഗ്, വോള്മാര്ട് മുതലായ ഏജന്സികള് മുഖേനബില്ലുകള് അടക്കുക, ബന്ധുക്കള്ക്ക് പണം അയക്കുക എന്നിവയില് ഇവര് ചിലവാക്കിയത് 100 ബില്യണില് അധികം ആണ്. കഴിഞ്ഞ പല ഡിപ്രെഷന് കാലങ്ങളിലും പോസ്റ്റ് ഓഫീസ് ബാങ്ക് വിജകരമായി നിലനിന്നു. 30000 ല് അധികം പോസ്റ്റ് ഓഫീസുകള് അമേരിക്കയുടെ എല്ലാ ഓണം കേറാ മൂലയിലും ഉണ്ട്. മുന്കാലങ്ങളില് ഉണ്ടായിരുന്ന ബാങ്കുകള് വീണ്ടും തുടങ്ങുക. ഇത്തരം അനേകം പരിഹാര മാര്ഗങ്ങളിലൂടെപോസ്റ്റല് സര്വീസിനെ ആരുടെയും സഹായം ഇല്ലാതെ നില നിര്ത്തുവാന് സാധിക്കും.
-ഒരു പാവം പോസ്റ്റല് ജീവനക്കാരന്