ന്യൂഡല്ഹി: ശാരീരികാസ്വാസ്ഥ്യത്തെ തുടര്ന്ന് അന്നാ ഹസാരയെ ആശുപത്രിയില് പ്രവേശിപ്പിച്ചു. സായിബാബ ഇന്സ്റ്റിറ്റിയൂട്ട് ഓഫ് മെഡിക്കല് സയന്സിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. ശക്തമായ ലോക്പാല് ബില് വേണമെന്ന് ആവശ്യപ്പെട്ട് മഹരാഷ്ട്രയില് പര്യടനം നടത്തുന്നതിനിടെയാണ് 74-കാരനായ ഹസാരയെ ആശുപത്രിയില് പ്രവേശിപ്പിച്ചത്. ഇതേതുടര്ന്ന് നന്ദുര്ബാര് ജില്ലയിലെ പര്യടനം റദ്ദാക്കി. അദ്ദേഹത്തിന്റെ ആരോഗ്യനില തൃപ്തികരമാണെന്ന് ഡോക്ടര്മാര് അറിയിച്ചു. ശക്തമായ ലേക്പാല് ബില് വേണമെന്ന് ആവശ്യപ്പെട്ട് മേയ് ഒന്ന് മുതല് മഹാരാഷ്ട്രയില് ഹസാരെ പര്യടനം നടത്തിവരുകയായിരുന്നു.