തമിഴ്നാട്ടില് 86 പേര്ക്കുകൂടി കൊറോണ സ്ഥിരീകരിച്ചു; വൈറസ് ബാധിതര് 571
Published on 05 April, 2020
ചെന്നൈ: തമിഴ്നാട്ടില് 86 പേര്ക്കുകൂടി ഞായറാഴ്ച കൊറോണ വൈറസ് ബാധ സ്ഥിരീകരിച്ചു. ഇതില് 85 പേരും നിസാമുദ്ദീനില് നടന്ന തബ്ലീഗ് സമ്മേളനതത്തില് പങ്കെടുത്തവണ്. ഒരാള് ദുബായില്നിന്ന് എത്തിയ ആളാണെന്നും തമിഴ്നാട് ആരോഗ്യ സെക്രട്ടറി ബീലാ രാജേഷ് പറഞ്ഞു.
തമിഴ്നാട്ടിലെ കൊറോണ വൈറസ് ബാധിതരുടെ എണ്ണം ഇതോടെ 571 ആയി. ഇതില് 522 പേരും നിസാമുദ്ദീന് സമ്മേളനത്തില് പങ്കെടുത്തവരാണ്. കഴിഞ്ഞ അഞ്ച് ദിവസമായി തമിഴ്നാട്ടിലെ കൊറോണ വൈറസ് ബാധിതരുടെ എണ്ണം വന്തോതില് വര്ധിക്കുകയാണ്.
നിസാമുദ്ദീന് സമ്മേളനത്തില് പങ്കെടുത്ത നിരവധി പേര്ക്ക് വൈറസ് ബാധ സ്ഥിരീകരിക്കുന്ന സാഹചര്യമാണ് നിലവിലുള്ളതെന്ന് ആരോഗ്യ സെക്രട്ടറി കഴിഞ്ഞ ദിവസം പറഞ്ഞിരുന്നു. സമൂഹ വ്യാപനം തടയുന്നതിനുള്ള നീക്കങ്ങളാണ് ഇപ്പോള് നടത്തുന്നതെന്നും ബീലാ രാജേഷ് പറഞ്ഞു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല