കൊറോണ വൈറസ് പകര്‍ച്ചവ്യാധിക്കെതിരായ പോരാട്ടത്തെ പിന്തുണയ്ക്കുന്നതിനായി തന്റെ രണ്ട് വര്‍ഷത്തെ ശമ്ബളം പ്രധാനമന്ത്രി-കെയര്‍സ് ഫണ്ടിലേക്ക് സംഭാവന ചെയ്യുമെന്ന് ബിജെപി എംപിയും മുന്‍ ക്രിക്കറ്റ് കളിക്കാരനുമായ ഗൗതം  ഗംഭീര്‍ അറിയിച്ചു. 

ട്വിറ്ററിലൂടെയാണ് താരം ഇക്കാര്യം അറിയിച്ചത്.

കഴിഞ്ഞ 12 മണിക്കൂറിനുള്ളില്‍ 131 പേര്‍ രോഗബാധിതരാണെന്ന് സ്ഥിരീകരിച്ചതിനെത്തുടര്‍ന്ന് വ്യാഴാഴ്ച ഇന്ത്യയില്‍ കൊറോണ വൈറസ് കേസുകളുടെ എണ്ണം 1965 ആയി ഉയര്‍ന്നതായി ആരോഗ്യ കുടുംബക്ഷേമ മന്ത്രാലയം അറിയിച്ചു. നിലവില്‍ രാജ്യത്ത് 1764 കോവിഡ് -19 സജീവ കേസുകളുണ്ട്. മാരകമായ അണുബാധ മൂലം 50 പേര്‍ മരിച്ചു.