ഡല്‍ഹി :ലോക് ഡൗണ്‍ പ്രഖ്യപിച്ച പശ്ചാത്തലത്തില്‍ ജോലി നഷ്ടമായ ഇതര സംസ്ഥാന തൊഴിലാളികള്‍ക്ക് ഭക്ഷണത്തിനും താമസത്തിനുമുള്ള സൗകര്യം ചെയ്തു കൊടുക്കണമെന്ന് ആഭ്യന്തര മന്ത്രാലയം സംസ്ഥാനത്തോട് ആവശ്യപ്പെട്ടു. ഡിസാസ്റ്റര്‍ മാനേജ്‌മെന്റ് ആക്ട് പ്രകാരം തൊഴില്‍ദാതാവ് തൊഴിലാളികള്‍ക്ക് ശമ്പളത്തില്‍ കുറവു വരാതെ നല്‍കണമന്നുള്ള ഉത്തരവും ഇറക്കിയിട്ടുണ്ട്. അടുത്ത ഒരു മാസത്തെ വാടക ഇത്തരം തൊഴിലാളികളില്‍ നിന്ന് പിരിക്കുന്നതും ഒഴിവാക്കണമെന്നും ആഭ്യന്തര മന്ത്രാലയം നിര്‍ദ്ദേശിച്ചു. ഇതര സംസ്ഥാനതൊഴിലാളികളെ ഏതെങ്കിലും തരത്തില്‍ പുറത്താക്കാന്‍ ശ്രമിച്ചാല്‍ കര്‍ശന നടപടികള്‍ നേരിടേണ്ടി വരുമെന്നും അറിയിച്ചിട്ടുണ്ട്.