അമേരിക്കന് തടവുകാരില് ഒരാള്ക്ക് കൊറോണ, ഒമ്പത് വനിതാ തടവുകാര് ജയില്ചാടി
Published on 27 March, 2020
ന്യൂയോര്ക്ക്: തടവുകാരില് ഒരാള്ക്ക് കൊറോണ വൈറസ് ബാധ സ്ഥിരീകരിച്ചതിന് പിന്നാലെ യുഎസിലെ സൗത്ത് ഡക്കോട്ടയിലെ ജയിലില്നിന്ന് വനിതാ തടവുകാര് രക്ഷപ്പെട്ടു. ഒമ്പത് സ്ത്രീകളാണ് ജയിലില്നിന്ന് രക്ഷപ്പെട്ടതെന്നും ഇവരില് മൂന്നുപേരെ പിടികൂടിയെന്നും ഡിപ്പാര്ട്ട്മെന്റ് ഓഫ് കറക്ഷന്സ് അറിയിച്ചു. അതേസമയം, ആറുപേരെ ഇതുവരെ കണ്ടെത്താനായില്ലെന്നും അധികൃതര് പറഞ്ഞു.
കഴിഞ്ഞദിവസമാണ് തടവുകാരില് ഒരാള്ക്ക് കൊറോണ വൈറസ് ബാധ സ്ഥിരീകരിച്ചത്. ഇതോടെ മറ്റുതടവുകാരില് ഭയവും ആശങ്കയും വര്ധിച്ചിരുന്നു. ഇതിനിടെയാണ് ഒമ്പത് സ്ത്രീകള് ജയിലില്നിന്ന് രക്ഷപ്പെട്ടത്.
ജയിലില്നിന്ന് കടന്നുകളഞ്ഞവരുടെ പേരും മറ്റുവിവരങ്ങളും അധികൃതര് പുറത്തുവിട്ടിട്ടുണ്ട്. ജയില് ചാടിയതിന് ഇവര്ക്കെതിരെ കേസെടുക്കുമെന്നും അഞ്ചുവര്ഷം കൂടി തടവ് അനുഭവിക്കേണ്ടിവരുമെന്നും അധികൃതര് പറഞ്ഞു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല