കെറോണ പ്രതിസന്ധിയെ തുടര്ന്ന് ഹൈദരാബാദില് നിന്നും കേരളത്തിലേക്ക് ടെമ്ബോയില് യാത്ര തിരിച്ച ടാറ്റ കണ്സണ്ട്ടന്സിയിലെ ജീവനക്കാര്ക്കാണ് മുഖ്യമന്ത്രി കഴിഞ്ഞ ദിവസം നേരിട്ട് സഹായമെത്തിച്ചത്. ചൊവ്വാഴ്ച രാവിലെയായിരുന്നു ഹൈദരാബാദില് നിന്നും 13 പെണ്കുട്ടികളും ഡ്രൈവറുമടങ്ങുന്ന സംഘം കേരളത്തിലേക്ക് യാത്ര തിരിച്ചത്.
രാത്രി ലോക്ഡൗണ് പ്രഖ്യാപിച്ചതോടെ അതിര്ത്തിയില് ഇറക്കാം അവിടുന്ന് നാട്ടിലേക്ക് വണ്ടി പിടിക്കാന് ഡ്രൈവര് ഇവരോട് ആവശ്യപ്പെടുകയായിരുന്നു. എന്നാല് മുത്തങ്ങ ചെക്ക്പോസ്റ്റിനു സമീപം അര്ധരാത്രി ഇറങ്ങുന്നത് അപകടമാണെന്ന് തോന്നിയതോടെ തോല്പ്പെട്ടിയിലേക്ക് വണ്ടി തിരിച്ചു. ഇതിനിടയില് എന്തുചെയ്യണമെന്നറിയാതെ ആശങ്കയിലായ മലയാളി സംഘം പരിചയമുള്ള പലരെയും ഫോണില് വിളിച്ചു സഹായം അഭ്യാര്ത്ഥിച്ചു. എന്നാല് ഫലമുണ്ടായില്ല.
ഒടുവില് ഇനിയെന്ത് എന്ന് ആലോചിച്ച് നില്ക്കുമ്ബോളായിരുന്നു അവസാനശ്രമമെന്ന നിലയില് ഗൂഗിളില് നിന്നും മുഖ്യമന്ത്രിയുടെ ഫോണ്നമ്ബറെടുത്ത് അതിലേക്ക് കോഴിക്കോട് പുതിയാപ്പ സ്വദേശിയായ ആതിര വിളിക്കുന്നത്.
ഏറെ വൈകിയതിനാല് മുഖ്യമന്ത്രി ഫോണ് എടുക്കുമോ, ശകാരിക്കുമോ തുടങ്ങിയ പേടികളെല്ലാം ഫോണ് വിളിക്കുമ്ബോള് ഇവര്ക്കുണ്ടായിരുന്നു. എന്നാല് രണ്ടാമത്തെ റിങില് തന്നെ മുഖ്യമന്ത്രി ഫോണ് എടുത്തു.
കാര്യങ്ങള് ചോദിച്ചറിഞ്ഞു. ഉടന്തന്നെ വയനാട് കളക്ടറയെും എസ്പിയെയും വിളിക്കാനും ആവശ്യമായ നിര്ദ്ദേശങ്ങള് നല്കാമെന്നും മുഖ്യമന്ത്രി ഇവര്ക്ക് ഉറപ്പ് നല്കി.
അതോടൊപ്പം തന്നെ കളക്ടറുടെയും എസ്പിയുടെയും മ്ബരും നല്കിയിരുന്നു. എസ്പിയുടെ നമ്ബരില് വിളിച്ചപ്പോല് തോല്പ്പെട്ടിയില് എത്തുമ്ബോഴേക്കും നാട്ടിലേക്കുള്ള യാത്രയ്ക്ക് സൗകര്യമൊരുക്കാമെന്ന് അദ്ധേഹം അറിയിക്കുകയായിരുന്നു.
തുടര്ന്ന് തോല്പ്പെട്ടിയില് ഇറങ്ങി 20 മിനുട്ട് കഴിഞ്ഞപ്പോഴേക്കും തിരുനെല്ലി എസ് ഐ എ യു ജയപ്രകാശ് കോഴിക്കോടേക്ക് പോവാനുള്ള വാഹനവുമായി എത്തിയിരുന്നു.
തുടര്ന്ന് ബുധാനാഴ്ച രാവിലെയോടെ മലയാളി സംഘം സുരക്ഷിതരായി വീടുകളിലെത്തുകയായിരുന്നു. പിന്നീട് നന്ദി പറയാനായി മുഖ്യമന്ത്രിയെ വിളിച്ച പെണ്കുട്ടികളോട് 14 ദിവസം നിരീക്ഷണത്തില് കഴിയാനും മുഖ്യമന്ത്രി നിര്ദ്ദേശിച്ചു.