കാസര്കോട്: തിങ്കളാഴ്ച 19 പേര്ക്ക് കൂടി കൊറോണ വൈറസ് സ്ഥിരീകരിച്ചതോടെ കാസര്കോട് രോഗബാധിതരുടെ എണ്ണം 38 ആയി ഉയര്ന്നു.
സംസ്ഥാനത്ത് തിങ്കളാഴ്ച 28 പേര്ക്കാണ് കൊറോണ സ്ഥിരീകരിച്ചത്. അഞ്ചു പേര് കണ്ണൂരും രണ്ടു പേര് എറണാകുളത്തും, പത്തനംതിട്ടയിലും തൃശൂരും ഒരോ ആള്ക്ക് വീതവുമാണ് കൊറോണ സ്ഥിരീകരിച്ചിരിക്കുന്നത്.കേരളത്തില് ഏറ്റവും കൂടുതല് കൊറോണ സ്ഥിരീകരിച്ചത് കാസര്കോട്ടാണ്. ഇതോടെ നിരോധനാജ്ഞ പ്രഖ്യാപിച്ചിരിക്കുന്ന ജില്ലയില് കൂടുതല് നിയന്ത്രണങ്ങള് ഏര്പെടുത്തി മുഖ്യമന്ത്രി പിണറായി വിജയന് വ്യക്തമാക്കി. ആള്ക്കൂട്ടം ഒരു കാരണവശാലും അനുവദിക്കുകയില്ല. സര്ക്കാര് ഒപ്പമല്ല മുന്നില് തന്നെയുണ്ടെന്നും മുഖ്യമന്ത്രി വ്യക്തമാക്കി.