നടിയെ അക്രമിച്ച കേസില് നടന്മാരായ മുകേഷ്, കുഞ്ചാക്കോ ബോബന്, ഗായിക റിമി ടോമി എന്നിവരെ പ്രത്യേക കോടതി ബുധനാഴ്ച വിസ്തരിക്കും. കൊച്ചിയില് നടിയെ അക്രമിച്ച കേസിലെ നിര്ണായക സാക്ഷികളുടെ വിസ്താരണമാണ് വിചാരണ കോടതിയില് നടക്കുന്നത്. ഗീതു മോഹന്ദാസിന്റെയും, മഞ്ജു വാര്യരുടെയും വിസ്താരം കഴിഞ്ഞ ദിവസങ്ങളില് നടന്നിരുന്നു. ഫെബ്രുവരി 28ന് കുഞ്ചാക്കോ ബോബന് സാക്ഷി വിസ്താരത്തിന് എത്താന് കഴിഞ്ഞില്ല. ഇതോടെ സാക്ഷി വിസ്താരം അടുത്തമാസം 4ന് നടത്താനാന് കോടതി നിശ്ചയിക്കുകയായിരുന്നു.
കൂടാതെ സംയുക്താ വര്മയെ കേസിന്റെ സാക്ഷിപ്പട്ടികയില്നിന്ന് ഒഴിവാക്കാനും കോടതി തീരുമാനിച്ചു. ഫെബ്രുവരി 28ന് സംയുക്തയും വിസ്താരത്തിന് എത്തിയിരുന്നു. എന്നാല് ഇപ്പോള് വിസ്തരിക്കേണ്ടതില്ലെന്ന് പ്രേസിക്യൂഷന് നിലപാടെടുത്തിരുന്നു.