ന്യൂഡല്ഹി: തിരുപ്പുര് അപകടത്തില് അനുശോചിച്ചു പ്രധാനമന്ത്രി നരേന്ദ്ര മോദി. അപകടത്തില് ജീവന് നഷ്ടമായവരുടെ കുടുംബാംഗങ്ങളുടെ ദുഃഖത്തില് പങ്കു ചേരുന്നെന്നും പരിക്കേറ്റു ചികിത്സയില് കഴിയുന്നവര് എത്രയുംവേഗം സുഖം പ്രാപിക്കട്ടെയെന്നും പ്രധാനമന്ത്രി ട്വീറ്റ് ചെയ്തു.
വ്യാഴാഴ്ച പുലര്ച്ചെ കോയന്പത്തൂരിനടുത്ത തിരുപ്പൂരിലുണ്ടായ അപകടത്തില് 18 മലയാളികളടക്കം 19 പേരാണു മരിച്ചത്. ബംഗളുരുവില്നിന്നു കേരളത്തിലേക്കു വരികയായിരുന്ന കഐസ്ആര്ടിസി ബസിലേക്ക് ടൈലുമായി എറണാകുളത്തുനിന്ന് സേലത്തേക്കു പോയ ലോറി ഇടിച്ചുകയറുകയായിരുന്നു. 20 പേര്ക്ക് അപകടത്തില് പരിക്കേറ്റു.
കേരളത്തില്നിന്നു മന്ത്രിമാരും ജനപ്രതിനിധികളും ഉള്പ്പെടെ വന്സംഘം ആശ്വാസപ്രവര്ത്തനങ്ങള് ഏകോപിപ്പിക്കുന്നതിനായി തിരുപ്പൂരില് എത്തിയിട്ടുണ്ട്. മൃതദേഹങ്ങള് എത്രയും വേഗം നാട്ടിലെത്തിക്കുമെന്ന് മന്ത്രി വി.എസ്. സുനില്കുമാര് തിരുപ്പൂരില് പ്രതികരിച്ചു.