ബംഗളൂരു: പൗരത്വ ഭേദഗതി നിയമത്തിനെതിരെ മംഗളൂരുവില് നടന്ന പ്രതിഷേധത്തിനിടെ രണ്ട് പേര് വെടിയേറ്റ് മരിച്ച സംഭവത്തില് പോലീസിനെ രൂക്ഷമായി വിമര്ശിച്ച് കര്ണാടക ഹൈക്കോടതി. പോലീസ് വരുത്തിയ വീഴ്ചകളും അതിക്രമങ്ങളും മറച്ചുവയ്ക്കാന് നിരപരാധികളെ കേസില് കുടുക്കിയെന്ന് കോടതി വിമര്ശിച്ചു.
കേസില് അറസ്റ്റിലായ 21 പേര്ക്കും കോടതി ജാമ്യം അനുവദിച്ചു. സംഘര്ഷത്തില് പരിക്കേറ്റവരുടെ പരാതിയില് ഒരു നടപടിയും എടുത്തില്ലെന്നും കൊല്ലപ്പെട്ടവര്ക്കെതിരെ കേസ് എടുത്തത് വീഴ്ച മറയ്ക്കാനാണെന്നും കോടതി വിമര്ശിച്ചു.
അറസ്റ്റിലായവര്ക്കെതിരെ വ്യാജ തെളിവുകള് കെട്ടിച്ചമയ്ക്കാന് മനഃപൂര്വം ശ്രമമുണ്ടായി എന്നതിന് രേഖകളുണ്ട്. ഇതിലൂടെ നിരപരാധികളുടെ സ്വാതന്ത്ര്യമാണ് നിങ്ങള് ഇല്ലാതാക്കിയതെന്നും കോടതി നിരീക്ഷിച്ചു.