കണ്ണൂര്: വീട്ടിലെ കിടപ്പുമുറിയില്നിന്ന് കാണാതായ ഒന്നരവയസ്സുകാരന്റെ മൃതദേഹം കടപ്പുറത്ത് നിന്ന് കണ്ടെത്തി. കണ്ണൂര് തയ്യിലിലെ ശരണ്യ-പ്രണവ് ദമ്ബതിമാരുടെ മകന് വിയാന്റെ മൃതദേഹമാണ് തയ്യില് കടപ്പുറത്തുനിന്ന് കണ്ടെത്തിയത്.
കടപ്പുറത്തെ കരിങ്കല്ഭിത്തികള്ക്കിടിയില് കുരുങ്ങിയനിലയിലായിരുന്നു മൃതദേഹം. സംഭവത്തില് ദുരൂഹതയുണ്ടെന്നാണ് ബന്ധുക്കളുടെ ആരോപണം.
രാത്രി കിടത്തിയുറക്കിയ വിയാനെ കാണാനില്ലെന്ന് അച്ഛന് പ്രണവ് തിങ്കളാഴ്ച രാവിലെ പോലീസില് പരാതി നല്കിയിരുന്നു.
അര്ധരാത്രി കുട്ടിയ്ക്ക് മരുന്നും പാലും നല്കിയ ശേഷം അച്ഛനൊപ്പം കിടത്തിയുറക്കിയെന്നാണ് ബന്ധുക്കളുടെ മൊഴി. എന്നാല് രാവിലെ ആറുമണിയോടെ ഉറക്കമുണര്ന്നപ്പോള് കുഞ്ഞിനെ കാണാനില്ലെന്നായിരുന്നു പ്രണവ് പറഞ്ഞത്.
തുടര്ന്ന് ബന്ധുക്കളടക്കം തിരച്ചില് നടത്തി. ഇതിനുപിന്നാലെയാണ് പോലീസില് പരാതി നല്കിയത്.
പ്രണവിന്റെ പരാതിയില് പോലീസ് തിരച്ചില് നടത്തുന്നതിനിടെയാണ് രാവിലെ 11 മണിയോടെയാണ് കുട്ടിയെ മരിച്ചനിലയില് കണ്ടെത്തിയത്.
പ്രണവ്-ശരണ്യ ദമ്ബതിമാര്ക്കിടയില് ഏറെനാളായി അസ്വാരസ്യങ്ങള് നിലനിന്നിരുന്നതായാണ് ബന്ധുക്കളുടെ മൊഴി.
ഇതിനാല് കുട്ടിയെ കൊലപ്പെടുത്തിയതാകാമെന്നാണ് ഇവരുടെ സംശയം. സംഭവത്തില് കുട്ടിയുടെ മാതാപിതാക്കളെയും ബന്ധുക്കളെയും പോലീസ് ചോദ്യംചെയ്തുവരികയാണ്.