2018 ജൂലൈയില് ട്രംപ് ചൈനയുമായി വ്യാപാരം യുദ്ധം ആരംഭിച്ചപ്പോള് അത് ചൈനയേക്കാള് അമേരിക്കയെ ആകും കൂടുതല് ദോഷമായി ബാധിക്കുക്ക എന്ന് പലരും വാദിച്ചു. എന്നാല് ആഗോളവത്കരണ യുഗത്തില് ഉപഭോക്താവാണ് രാജാവ് എന്നും വാങ്ങല് ശേഷിയുള്ള അമേരിക്കക്കാരന് ചൈനയ്ക്ക് പകരം മറ്റ് രാജ്യങ്ങളില് നിന്ന് സാധനങ്ങള് വാങ്ങികൊള്ളും എന്നും എന്നെ പോലുള്ളവര് വാദിച്ചു.
ഒന്നര വര്ഷങ്ങള്ക്ക് ശേഷം തിരിഞ്ഞു നോക്കുമ്പോള് പറയത്തക്ക വലിയ വിലകയ്യറ്റമോ സാമ്പത്തിക തകര്ച്ചയോ ഇല്ലാതെ അമേരിക്കന് സമ്പത്ത് വ്യവസ്ഥ മുന്നോട്ട് പോകുന്നു. ചൈനയില് നിന്ന് അമേരിക്കയിലേക്ക് ഉള്ള കയറ്റുമതി 20.84% ഇക്കാലയവളില് കുറഞ്ഞു. ചൈനയും അമേരിക്കയും തമ്മില് ഉള്ള വ്യാപാരക്കമ്മി 7.9% ഇക്കാലയവളില് കുറഞ്ഞു.
ചൈനയില് നിന്നുള്ള ഇറക്കുമതി വെറും ഒന്നര വര്ഷം കൊണ്ട് 6 വര്ഷം മുമ്പ് ഉള്ള അവസ്ഥയിലേക്ക് , അതായത് 2013 മാര്ച്ചിലെ നിലയിലേക്ക് എത്തിക്കാന് ട്രംപിന് കഴിഞ്ഞു. അതിന്റെ ഒക്കെ ഫലമായി ചൈന അമേരിക്കയുടെ പ്രധാന വ്യാപാര പങ്കാളികളില് ഒന്നാം സ്ഥാനത്ത് നിന്ന് മൂന്നാം സ്ഥാനത്തേക്ക് പിന്തള്ളപ്പെട്ടു. അമേരിക്കയുടെ അയല് രാജ്യങ്ങള് ആയ മെക്സിക്കോയും, കാനഡയും പ്രസ്തുത സ്ഥാനങ്ങളില് എത്തി.
അമേരിക്കയുടെ ചെലവില് ആരും അമേരിക്കയ്ക്ക് മുകളില് വളരില്ല. എന്ന് മാത്രമല്ല വാങ്ങല് ശേഷി ഇല്ലാത്ത ചൈന വിട്ട് കൂടുതല് വ്യവസായികള് പുറത്തേക്ക് പോകുന്നത് ചൈനയെ സാമ്പത്തികമായി മോശമല്ലാത്ത രീതിയില് തകര്ക്കുകയും ചെയ്യും. നിലവില് സാംസങ് ചൈനയിലെ ഉത്പാദനം പൂര്ണമായും അവസാനിപ്പിച്ചു. ആപ്പിളും ട്രംപിന്റെ താരിഫ് മറികടക്കാന് ചൈനയിലെ ഉത്പാദനം കുറയ്ക്കാന് തുടങ്ങി.
ബോണ്ട് വിറ്റ് ചൈന അമേരിക്കയെ തകര്ക്കും എന്ന പ്രതീക്ഷയും വേണ്ടാ. കാരണം ചൈന വലിയ തോതില് ബോണ്ട് വിറ്റിട്ടും അതൊക്കെ ഇതര നിക്ഷേപകര് വാങ്ങിയതിനാല് അത് ഡോളറിനെ പ്രതികൂലമായി ബാധിക്കില്ല എന്ന് ഇതിനോടകം തെളിയിക്കപ്പെട്ട് കഴിഞ്ഞു. എന്ന് മാത്രമല്ല കഴിഞ്ഞവര്ഷം ഓഗസ്റ്റില് തന്നെ ചൈനയെ പിന്തളളി ജപ്പാന് ഏറ്റവും കൂടുതല് അമേരിക്കന് കടപ്പത്രങ്ങള് കൈവശം ഉള്ള രാജ്യമായി .
ഒബാമയുടെ കാലത്തെപോലെ 14% അമേരിക്കന് ബോണ്ട് ഒന്നും നിലവില് ചൈനയുടെ കൈവശം ഇല്ല. ഇപ്പോള് ചൈനയുടെ കൈവശം ഉള്ള അമേരിക്കന് കടപ്പത്രങ്ങള് ശതമാനത്തില് നോക്കിയില് ആകെ ഉള്ളതിന്റെ 5% ത്തില് കുറവ് മാത്രമേ വരൂ. അതും കൂടെ എങ്ങനെ വില്പ്പിക്കാം എന്ന ഗവേഷണത്തില് ആണ് ട്രംപ്. ഒരിക്കല് കൂടെ അധികാരത്തില് വന്നാല് റൊണാള്ഡ് റെയ്ഗന് റഷ്യയെ തകര്ത്തത് പോലെ ട്രംപ് ചൈനയേയും തകര്ക്കുന്നത് ആയിരിക്കും.
കാരണം 2017 ലെ കണക്കുകള് അനുസരിച്ചു ചൈനീസ് ജിഡിപി യുടെ 160% ആണ് അവിടുത്തെ വ്യവസായ വായ്പകള്. കയറ്റുമതി ഇടിഞ്ഞാല് പ്രസ്തുത വായ്പകള് വലിയ തോതില് കുടിശിഖ ആയി ചൈന തകരും. അതിനാല് തന്നെ ഈവര്ഷം നടക്കുന്ന അമേരിക്കന് പ്രസിഡണ്ട് തെരെഞ്ഞെടുപ്പ് അമേരിക്കയുടേതിനേക്കാള് ചൈനയുടെ ഭാവി ആകും നിശ്ചയിക്കുന്നത്.