അജു വര്ഗീസ് കേന്ദ്ര കഥാപാത്രമായി എത്തുകയും ആദ്യമായി തിരക്കഥ എഴുതുകയും ചെയ്യുന്ന പുതിയ ചിത്രമാണ് സാജന് ബേക്കറി സിന്സ് 1962 . ഫണ്ന്റാസ്റ്റിക് ഫിലിംസിന്റെ ബാനറില് ധ്യാന് ശ്രീനിവാസനും വിശാഖ് സുബ്രഹ്മണ്യനും ചേര്ന്ന് നിര്മ്മിക്കുന്ന ചിത്രത്തിന്റെ സംവിധാനം സായാഹ്നവാര്ത്തകളുടെ സംവിധായകന് അരുണ് ചന്തുവാണ്.
എം സ്റ്റാര് സാറ്റലൈറ്റ് കമ്മ്യൂണിക്കേഷന്സിന്റെ ബാനറില് അനീഷ് മോഹന് സഹനിര്മാണം ചെയുന്ന ചിത്രത്തില് അജു വര്ഗീസിന് പുറമെ ലെന, ഗ്രേസ് ആന്റണി, രഞ്ജിത മേനോന്, ഗണേഷ് കുമാര്, ജാഫര് ഇടുക്കി തുടങ്ങി നിരവധി താരങ്ങള് അഭിനയിക്കുന്നുണ്ട്. ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തുവിട്ടു.
ഗുരുപ്രസാദ് ഛായാഗ്രഹണവും അരവിന്ദ് മന്മഥന് ചിത്രസംയോജനവും പ്രശാന്ത് പിള്ള സംഗീതവും ബുസ്സി വസ്ത്രാലങ്കാരവും എം ബാവ കലാസംവിധാനവും നിര്വ്വഹിക്കുന്ന ചിത്രത്തിന്റെ പ്രൊഡക്ഷന് കണ്ട്രോളര് സജീവ് ചന്ദിരൂരാണ്. 'ലവ് ആക് ഷന് ഡ്രാമ'യ്ക്കു ശേഷം ഫണ്ന്റാസ്റ്റിക് ഫിലിംസിന്റേയും എം സ്റ്റാര് ലിറ്റില് കമ്യൂണിക്കേഷന്റെയും ബാനറില് ഒരുങ്ങുന്ന ചിത്രം കൂടിയാണിത്.