കുത്തു പാള എടുത്തു നില്ക്കുന്ന ട്രഷറിയില് നിന്ന് അഞ്ചുകോടി രൂപ മുടക്കി അഖില ലോക പ്രാഞ്ചികള്ക്കായി ലോക കേരള സഭ നടത്തുന്നു. ആദ്യ ഗഡുവായി ഒരു കോടി അനുവദിച്ചു കൊണ്ട് പ്രവാസികാര്യ വകുപ്പ് ഇന്നലെ ഉത്തരവിറക്കി.
ട്രഷറിയില് പൂച്ച പെറ്റ് കിടക്കുകയാണെങ്കിലും (കടപ്പാട് Baiju Swamy) പിണറായി സര്ക്കാര് കോണകം പുരപ്പുറത്ത് ഇടാന് മടി കാണിക്കാറില്ല.
കോട്ടിട്ട കൊറെ അരിപ്രാഞ്ചികളും അവരുടെ കൊച്ചമ്മമാരും സര്ക്കാര് ചെലവില് പുതുവര്ഷം പിറക്കുന്ന രണ്ട് ദിവസങ്ങളില് തിരുവനന്തപുരത്ത് വന്ന് തിന്നു കുടിച്ചിട്ട് പോകും.
ഒരു മൊട്ടുസൂചി പോലും ഉണ്ടാക്കുന്ന ഒരു കച്ചോടോം ഇവരാരും ഇവിടെ തുടങ്ങില്ല - തുടങ്ങരുത്, തുടങ്ങാന് പാടില്ല.
അങ്ങനെ വല്ലോം തുടങ്ങിയാല് നിങ്ങള്ക്ക് മൊബൈല് മോര്ച്ചറിയില് കമ്പിളി പുതച്ച് കിടക്കാം. ആദ്യ ലോക കേരള നടത്തിയിട്ട് വല്ല പുണ്ണാക്കും നടന്നോ എന്ന് ആര്ക്കും അറിഞ്ഞുകൂടാ.
ആന്തുരിലെ സാജന്റെ പടം വെച്ച് ഇത്തവണത്തെ ലോക കേരളസഭ തുടങ്ങണം. നാട്ടില് മുതല് മുടക്കാന് വന്നവന് ഒടുക്കം കയറില് കിടന്നാടിയതു മിച്ചം- അതും പോരാഞ്ഞ് പാര്ട്ടി പത്രം അയാളുടെ ഭാര്യയുടെ സദാചാരത്തെക്കുറിച്ച് എഴുതിയത് ലോക കേരള സഭയ്ക്ക് വരുന്ന പ്രാഞ്ചികള്ക്ക് വായിക്കാന് കൊടുക്കണം. അഞ്ച് കോടി മുടക്കി നടത്തു ന്ന ഈ സുവിശേഷ യോഗം കൊണ്ട് അങ്ങനെ എങ്കിലും ഒരു പ്രയോജനം ഉണ്ടാവട്ടെ! നേരറിയാന് ഇതേ മാര്ഗമുള്ളു .!
പോസ്റ്റല് സ്റ്റാമ്പ് മേടിക്കാന് കാശില്ലെങ്കിലും പ്രാഞ്ചികള്ക്ക് ബിരിയാണി കൊടുക്കാന് കഴിയുമെല്ലോ എന്നോര്ക്കുമ്പോള് അന്തം സഖാക്കള്ക്ക് രോമാഞ്ചം ഉണ്ടാവും.